ދެލައްކަ ސާޅީސް ހާހަށްވުރެ ގިނަ މީހުން ކޮވިޑް19 ދިފާއު ވެކްސިންގެ ދެ ޑޯޒް ފުރިހަމަކޮށްފިއެވެ.
އެޗްޕީއޭގެ ތަފާސް ހިސާބުތައް ދައްކާގޮތުން ރޭގެ ނިޔަލަށް 242،370 މީހުން ވަނީ މުޅި ރާއްޖެއިން ދެ ޑޯޒް ފުރިހަމަކޮށްފައެވެ. އިއްޔެ އެކަނިވެސް ވަނީ 6،755 މީހުން ވެކްސިންގެ ދެ ވަނަ ޑޯޒް ޖަހާފައެވެ. މީގެ ތެރޭގައި ހިމެނެނީ މާލެ ސަރަހައްދުން ވެކްސިން ޖެހި 3،556 މީހުންނާއި އަތޮޅު ތެރެއިން ވެކްސިން ޖެހި 3،199 މީހުންނެވެ.
އިއްޔެ ވެކްސިންގެ ފުރަތަމަ ޑޯޒް ޖެހީ 622 މީހުންނެވެ. އެއީ މާލެ ސަރަހައްދުން 225 މީހުންނާއި އަތޮޅު ތެރެއިން 397 މީހުންނެވެ.
މުޅި ރާއްޖެއިން ވެކްސިން ޖެހި މީހުންގެ އަދަދު ވަނީ 319،378 އަށް އަރާފައެވެ.
+1
+1
+1
+1
+1
+1
