ފުލޫ ކްލިނިކް އަދި ހުޅުމާލެ ސާމްޕަލް ނަގާ ސެންޓަރު ވަގުތީގޮތުން ބަންދުކޮށްފައިވާ ކަމަށް ހެލްތް ޕްރޮޓެކްޝަން އެޖެންސީން ހާމަކޮށްފިއެވެ.
އެޗްޕީއޭއިން ބުނީ ގްރޭޓަރ މާލެ ސަރަހައްދުގައި ހުރި ކޮވިޑް ސާމްޕަލް ނަގާ މި ދެ ސެންޓަރު ބަންދުކޮށް، އެހެން ސެންޓަރުތަކުން ހިދުމަތްދޭ ގަޑިތަކަށް ބަދަލުގެނެސްފައިވާ ކަމަށެވެ.
އެގޮތުން ގްރޭޓަރ މާލެ ސަރަހައްދު (މާލެ، ހުޅުމާލެ އަދި ވިލިމާލޭގައި) ހިދުމަތް ދެމުްނ ގެންދާނީ ސެނިހިޔާ އަދި ވިލިމާލޭގައި ހުންނަ ސާމްޕަލް ނަގާ ސެންޓަރުތަކުން ކަމަށެވެ. އެގޮތުން ސެނެހިޔާ އިން ހިދުމަތް ދޭނީ ހޮނިހިރު ދުވަހުން ފެށިގެން ބުރާސްފަތި ދުވަހަށް ހެނދުނު 10 އަކުން ރޭގަނޑު 10 އަކަށެވެ. އަދި ހުކުރު ދުވަހު ދެއަކުން ރޭގަނޑު 10 އަކަށެވެ.
ވިލިމާލެ ސާމްޕަލް ނަގާ ސެންޓަރުން ހިދުމަތް ދޭނީ ކޮންމެ ދުވަހަކު ހެނދުނު 9 އަކުން މެންދުރުފަހު 13:30 އަށެވެ.
އެޗްޕީއޭއިން ބުނެފައިވަނީ އީދު ބަންދަށް ގިނަ ބަޔަކު އަތޮޅުތެރެއަށް ދިއުމަށް ސާމްޕަލް ނެގުމަށް އެކި ސެންޓަރުތަކަށް ޒިޔާރަތް ކުރަމުންދާ ކަމަށެވެ.
