ކުރިއަށް އޮތް އަޟުހާ އީދު ދުވަހުގެ ހަވީރުގެ ވަގުތަކީ ހިނގާފައި އުޅޭ ވަގުތެއް ކަމަށް މާލެ ސިޓީ ކައުންސިލުން ކަނޑައަޅައިފިއެވެ.
މިކަމަ ގުޅޭގޮތުން ނޫސްވެރިނަށް މައުލޫމާތު ދެއްވަމުން މާލޭގެ މޭޔަރު ޑރ މުއިއްޒު ވިދާޅުވީ، އަޟްހާ އީދުދުވެހު ހަވީރު 16:00 އިން ރޭގަނޑު 20:00 މާލޭގައި ހިނގާފައި އުޅޭ ވަގުތެއްގެ ގޮތުގައި ކަނޑައަޅާފައިވާކަމަށެވެ. ނަމަވެސް ވެހިކަލް ދުއްވުން މަނާ ނަމަވެސް ސަލާމަތީ ހިދުމަތްތަކުގެ އުޅަނދުފަހަރާއި އެމަޖެންސީގައި ކޮންމެހެން ދުއްވަންޖެހޭ ވެހިކަލްތައް ދުއްވުމުގެ ހުއްދަ އޮންނާނެކަމަށް މޭޔަރު ވިދާޅުވިއެވެ.
އީދު ދުވަހުގެ ހަވީރުގެ ވަގުތަކީ ހިނގާފައި އުޅޭ ވަގުތެއްގެ ގޮތުގައި ހަމަޖެއްސުމުގެ ކުރިން ސިޓީ ކައުންސިލުން ވަނީ ސޯޝަލް މީޑިއާގައި އާއްމުންގެ ހިޔާލުވެސް މިކަމަށް ހޯދާފައެވެ. މިގޮތަށް ހިނގާފައި އުޅޭ ވަގުތު ކަނޑައަޅާފައިވަނީ ގޭގައި ތިބެ ގިނަ ދުވަސްތަކެއް ވެފައިވާތީ އާއިލާއާއެކު އެކުވެރި އުފާވެރި ވަގުތު ކޮޅެއް ހޭދަކޮށްލުމަށް ގިނަ ބަޔަކު ހިޔާލު ފާޅު ކުރުމުން ކަމަށްވެސް ޑރ މުއިއްޒު ވިދާޅުވިއެވެ.
