ގައިޑްލައިން އާއި ހިލާފުވެގެން 3 ގެސްޓްހައުސްއެއްގެ ލައިސަންސް ސަސްޕެންޑްކޮށްފައިވާ ކަމަށް ޓުއަރިޒަމް މިނިސްޓްރީން ބުނެފިއެވެ.
އެމިނިސްޓްރީން ކޮށްފައިވާ ޓުވީޓެއްގައި ބުނެފައިވަނީ ގެސްޓު ހައުސްތަކާއި ޓޫރިސްޓް ހޮޓާތަކުން އެޗްޕީއޭ އަދި ޓޫރިޒަމް މިނިސްޓްރީގެ ގައިޑްލައިންތަކަށް އަމަލުކުރަމުންދޭތޯ ބެލުމަށް ހާއްސަ އިންސްޕެކްޝަނެއް މިއަދު ފަށައިފައިވާ ކަމަށެވެ. އެގޮތުން މާލެ ސަރަހައްދުގެ (މާލެ، ހުޅުމާލެ އަދި ވިލިމާލޭގައި) ހިންގާ ގެސްޓް ހައުސްތައް ހިންގަމުން ދަނީ ހެލްތް ޕްރޮޓެކްޝަން އެޖެންސީގެ ގައިޑްލައިންތަކާއި އުސޫލުތަކާއި އެއްގޮތަށްތޯ ބެލުމަށް ހިންގަމުންދާ އިންސްޕެކްޝަނުގައި މިހާތަނަށް 3 ގެސްޓްހައުސްއެއްގެ އޮޕަރޭޓިން ލައިސެންސް ސަސްޕެންޑް ކުރަން އެ މިނިސްޓްރީން ނިންމާފައިވާ ކަމަށެވެ.
ޓުއަރިޒަމް މިނިސްޓްރީން މިފަދަ އިންސްޕެކްޝަނެއް ފަށާފައިވާއިރު ސައްހަ ނޫން ހޮޓެލް ބުކިންގ އަދި ލިޔެކިޔުން ހިފައިގެން ރާއްޖޭގެ ބޯޑަރުން އެތެރެވާން އުޅުނު 248 މީހަކު ހުއްޓުވާފައިވާކަން އިމިގްރޭޝަނުން އިއްޔެ ވަނީ ހާމަކޮށްފައެވެ.
