މިމަހުގެ 19 އަދި 20 ވަނަ ދުވަހު މާލެ ސަރަހައްދުގެ (މާލެ، ހުޅުމާލެ އަދި ވިލިމާލޭގެ) ސާމްޕަލް ނަގާ ސެންޓަރުތައް ބަންދުވާނެ ކަމަށް ހެލްތް ޕްރޮޓެކްޝަން އެޖެންސީން ހާމަކޮށްފިއެވެ.
މިމަހުގެ ނަވާރަވާ ހޯމަ ދުވަހަކީ މިއަހަރުގެ ހައްޖު ދުވަހެވެ. އަދި ވިހިވާ އަންގާރަ ދުވަހަކީ އަޟްހާ އީދު ދުވަހެވެ. އެޗްޕީއޭއިން ބުނީ މި ދެ ދުވަހުވެސް މާލެ ސަރަަހައްދުގެ ކޮވިޑް ސާމްޕަލް ނަގާ ސެންޓަރުތައް ބަންދުވާނެ ކަމަށެވެ. އަދި ކޮންޓެކްޓްވެފައިވާ ފަރާތްތަކާއި ކަރަންޓީނުގައި ތިބި ފަރާތްތަކުގެ ސާމްޕަލް ނެގުމުގައި އާރުއާރުޓީ އިން ހަރަކާތްތެރިވާނެ ކަމަށްވެސް އެޗްޕީއޭއިން ހާމަކުރެއެވެ.
ފުލޫ ކްލިނިކް އަދި ހުޅުމާލެ ސާމްޕަލް ނަގާ ސެންޓަރު ވަނީ މީގެ ތިން ދުވަސް ކުރިން ވަގުތީގޮތުން ބަންދުކޮށްފައެވެ.
އެގޮތުން ގްރޭޓަރ މާލެ ސަރަހައްދު (މާލެ، ހުޅުމާލެ އަދި ވިލިމާލޭގައި) ހިދުމަތް ދެމުން ގެންދިޔައީ ސެނިހިޔާ އަދި ވިލިމާލޭގައި ހުންނަ ސާމްޕަލް ނަގާ ސެންޓަރުތަކުންނެވެ. އީދު ބަންދަން މި ދެ ސެންޓަރުވެސް ވަނީ ބަންދު ކޮށްފައެވެ.
އެހެން ވީމާ ހައްޖު އަދި އީދު ދުވަހު ކޮވިޑް ފްރީ ތަ ދޯ!