ރައީސް އިބްރާހިމް މުހައްމަދު ސޯލިހު އަނބިކަނބަލުން ފަޒުނާ އަހުމަދު ސިޔާސީ ދާއިރާއަށް ނިކުންނެވުމާއި ގުޅިގެން ސޯޝަލް މީޑިއާގައި ފާޑުކިޔުން އަމާޒުވެއްޖެ އެވެ.
2018 ވަނަ އަހަރު ރިޔާސީ އިންތިހާބަށް ރައީސް ސޯލިހު ހޮވިވަޑައިގެންނެވުމާއި ގުޅިގެން އޭރު މީޑިއާއަށް ދެއްވި އިންޓަވިއުއެއްގައި ކުރިއަށް އޮތް ތަނުގައި ސިޔާސީ ދާއިރާއިން ފެނިދާނެތޯ ސުވާލު ކުރުމުން ވިދާޅުވީ އެކަމަނާއަކީ އުނގަންނައިދިނުމާއި އިޖުތިމާއީ ކަންކަމުގައި އުޅުއްވާ ފަރާތެއް ކަމަށާއި އެހެންކަމުން ސިޔާސީ ދާއިރާއަށް ނުނިކުންނަވާނެ ކަމަށެވެ.
"ނޫން. އެއްގޮތަކަށްވެސް (ސިޔާސީ ދާއިރާއަށް ނިކުންނެވުމުގެ ވިސްނުމެއް) ނެތް އިނގޭތޯ. އެއް އިރެއްގަވެސް ނެތް. އަޅުގަނޑުގެ ދާއިރާއެއްވެސް ނޫން."
- ފަސްޓް ލޭޑީ ފަޒުނާ އަހުމަދު
ފަޒުނާ މިފަދައިން ވިދާޅުވިނަމަވެސް ދާދި ފަހުން ރައީސް ސޯލިހު ހދ އަތޮޅުގެ ތިން ރަށަކަށް ކުރެއްވި ދަތުރުފުޅުގައި އެކަމަނާ ވަޑައިގެންނެވި އެވެ. އަދި އެރަށްރަށުގެ ކައުންސިލްތަކާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިތުރުން އެހެންވެސް ބައެއް ތަންތަނުގެ އިސް ބޭފުޅުންނާއި ބައްދަލުކުރެއްވި އެވެ. ފަޒުނާ ސިޔާސީ ކަންކަމުގައި މަސްއޫލުވާން ފެއްޓެވީ ރައީސް މުހައްމަދު ނަޝީދާއި ރައީސް ސޯލިހާއި ދެމެދު ހިޔާލު ތަފާތުވުން އުފެދުމާއި ގުޅިގެންނެވެ.
ފަޒުނާ ސިޔާސީ ދާއިރާއަށް ނިކުންނެވުމާއިއެކު ސޯޝަލް މީޑިއާގައި ބައެއް މީހުން ބުނަނީ ދެއްކި ވާހަކައާއި އަމަލާއި ދިމާ ނުވާ ކަމަށެވެ. އަދި ސިޔާސީ ނުފޫޒާއި ބާރު ބޭނުންކޮށްގެން ވެރިކަމަށް ވަޑައިގެންނެވި ފަހުން އަންހެން ދަރިފުޅުގެ ނަމުގައި ބިއުޓީ ވިޔަފާރިއެއް ފައްޓަވައިދެއްވީތީ އެކަމަށްވެސް ވަނީ ފާޑުކިޔުން އަމާޒުވެފަ އެވެ.
Siyaasee masaikatheh nukuraanamey buni adu alhugandu ehin @thadhs ,
Dhekki vaahakayakaa amalakaa dhimalehnuvi evaahaka bunelee , https://t.co/CHoHuAUBkN pic.twitter.com/11iDNO4TdY— JIMMY ALI (@JIMMYALII) July 18, 2021
ކުރީގެ ރައީސް އަބްދުﷲ ޔާމީންގެ ސަރުކާރުގައި އެމަނިކުފާނުގެ އަނބިކަނބަލުން މެޑަމް ފާތިމަތު އިބްރާހިމް ސިޔާސީ މަސައްކަތް ކުރެއްވުމުން އެންމެ ބޮޑަށް ފާޑުކީ އޭރު އިދިކޮޅުގައި އޮވެ އެމްޑީޕީންނެވެ. އެހެންނަމަވެސް މިހާރު ރައީސް ސޯލިހުގެ އަނބިކަނބަލުން ސިޔާސީ މަސައްކަތް ފެއްޓެވިއިރު ކޯލިޝަން ޕާޓްނަރު އަދާލަތު ޕާޓީގެ ރައީސް އިމްރާން އަބްދުﷲ ގެ އަނބިކަނބަލުންވެސް ހުންނެވީ ޖެންޑާ މިނިސްޓްރީގެ ނައިބު ކަމުގައި ސިޔާސީ މަގާމެއް ފުރުއްވާށެވެ.
