ހޮނިހިރު ދުވަހު އެކަނިވެސް 2،571 މީހުން ދެވަނަ ޑޯޒް ފުރިހަމަކުރި ކަމަށް އެޗްޕީއޭއިން ހާމަކޮށްފިއެވެ.
ތަފާސް ހިސާބުތައް ދައްކާގޮތުން މާލެ ސަރަހައްދުން ހޮނިހިރު ދުވަހު ވެކްސިންގެ ދެވަނަ ޑޯޒް ޖެހީ 1،571 މީހުންނެވެ. އަދި އެދުވަހު އަތޮޅުތެރެއިން ވެކްސިންގެ ދެވަނަ ޑޯޒް ޖެހީ 1،000 މީހުންނެވެ. ހޮނިހިރު ދުވަހު ފުރަތަމަ ޑޯޒް ޖަހާފައިވަނީ 294 މީހުންނެވެ. މީގެ ތެރޭގައި ހިމެނެނީ މާލެ ސަރަހައްދުން ވެކްސިންގެ ފުރަތަމަ ޑޯޒް ޖެހި 244 މީހުންނާއި އަތޮޅު ތެރެއިން ފުރަތަމަ ޑޯޒް ޖެހި 50 މީހުންނެވެ.
މިހާތަނަށް ވެކްސިންގެ ދެވަނަ ޑޯޒް މުޅި ރާއްޖެއިން ވަނީ 258،525 މީހުން ފުރިހަމަ ކޮށްފައެވެ. ވެކްސިންޖެހި ޖުމުލަ އަދަދަކީ 320،776 މީހުންނެވެ. އެޗްޕީއޭއިން ހާމަކޮށްފައިވާ ގޮތުގައި މިހާރު ވަނީ ރާއްޖޭގައި ވެކްސިންޖެހޭ އާބާދީގެ 50 އިންސައްތަ މީހުން ވެކްސިން ފުރިހަމަކޮށްފައެވެ.
