ހދ ކުޅުދުއްފުށިން މިއަދުވެސް އިތުރު ހަތް މީހުން ކޮވިޑަށް ޕޮޒިޓިވްވެއްޖެއެވެ.
ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް)އިން ހާމަކޮށްފައިވާ ގޮތުގައި މިހާތަނަށް 20 މީހުން ވަނީ އެރަށުން ޕޮޒިޓިވްވެފައެވެ. އެގޮތުން މިއަދު ޕޮޒިޓީވްވެފައިވަނީ ފުލޫ ކްލިނިކަށް ދެއްކި 2 މީހެއްގެ އިތުރުން މިހާތަނަށް ޕޮޒިޓިވްވީ ފަރާތްތަކުގެ ޑައިރެކްޓް ކޮންޓެކްޓުންގެ ގޮތުގައި ފާހަގަ ވެފައިވާ 5 މީހެކެވެ.
މިހާތަނަށް ބަލިން ފަސޭހަވެފައިވަނީ އެންމެ މީހެއް ކަމަށް ކޭއާރުއެޗުން ހާމަކުރެއެވެ. އެންމެ ފުރަތަމަ ޕޮޒިޓިވްވެފައިވަނީ މިމަހުގެ 24 ވަނަ ދުވަހު ކޭއާރުއެޗުގެ ފުލޫ ކްލިނިކަށް ދެއްކި 13 އަހަރުގެ ކުއްޖަކެވެ. އޭގެ ފަހުން ނެގުނު ސާމްޕަލް ތަކަކާއި ފުލޫ ކްލިނިކަށް ދެއްކި އިތުރު މީހުންތަކެއްގެ ސާމްޕަލުތަކެއްވެސް ވަނީ ޕޮޒިޓިވްވެފައި އެވެ.
+1
+1
+1
+1
+1
+1
