ކުރީގެ ރައީސް އަބްދުﷲ ޔާމީނަށް ހުކުމް އިއްވާފައިވަނީ ސަރުކާރު ކޯލިޝަންގެ ނުފޫޒުން ކަމަށް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
2023ގައި އޮންނަ ރިޔާސީ އިންތިހާބުގައި ރައީސް ޔާމީނަށް ވާދަނުކުރެއްވޭނެ ކަމަށް މައުމޫނު ވިދާޅުވެފައިވާތީ އެކަމަށް އިޝާރާތް ކުރައްވާ ޝިޔާމް ކުރެއްވި ޓުވީޓެއްގައި ވިދާޅުވީ، ގައުމީ މިހާލަތަށް ވައްޓާލުން މީ ބޮޑު އިހުމާލެއް ކަމަށެވެ. ގައުމު ސަލާމަތް ކުރުމުގެ ގާބިލްކަން ހުރި ހަމައެކަނި ލީޑަރު ރައީސް ޔާމީން އަށް 2023 ގައި ވާދަ ނުކުރެއްވޭނެ އެއްވެސް ގޮތެއް ދިވެހިން ބަލައި ނުގަންނާނެ ކަމަށެވެ.
އަދި އެކަން ކުރާ ބަޔަކު އެވަނީ ގައުމަށް ގައްދާރު ކަމަށްވެސް ޝިޔާމް ވިދާޅުވިއެވެ.
ކުރީގެ ރައީސް މައުމޫނު ވިދާޅުވެފައިވަނީ ހުކުމެއް ތަންފީޒު ކުރަމުންދާ ހާލަތެއްގައި ހުއްޓާ ރައީސް ޔާމީންއަށް އިންތިހާބުގައި ވާދަކުރެވިގެން ނުވާނެ ކަމަށެވެ.
