ގދ މަޑަވެލީ ނަން ރަމްޒްކޮށްދޭ ގޮތަށް އެރަށު ބަނދަރު ސަރަހައްދުގައި 6 ލައްކަ ރުފިޔާގެ އައިކަންއެއް ބަހައްޓައިފިއެވެ.
މަޑަވެލީގެ ނަން ރަމްޒްކޮށްދޭ ގޮތަށް ހަދާފައިވާ މި އައިކަންގެ މަސައްކަތް ނިންމާ އެ އައިކަން އިފްތިތާހު ކޮށްފައިވަނީ މިއަދު ހަވީރު އެރަށުގައި ބޭއްވި ރަސްމިއްޔާތެއްގައެވެ. މި އައިކަން ރަސްމީކޮށް އިފްތިތާހުކޮށްދެއްވީ ގދ އަތޮޅު ކައުންސިލްގެ ރައީސް ހަސަން ފައިހަތު ގުދުރަތުاللهގެ އިތުރުން މި އައިކަން ހަދިޔާކޮށްދެއްވި އެރަށު އަބްދުالله ފަހުމީއެވެ.
މިމަސައްކަތް ކުރިއަށް ގެންގޮސްފައިވަނީ އަބްދުﷲ ފަހުމީގެ ޓީމުން ކަމަށް މައުލޫމާތުލިބެއެވެ. ބަނދަރު ސަރަހައްދުގައި ބަހައްޓަ މި އައިކަންގެ ދިގު މިނުގައި 30 ފޫޓު އަދި އުސްމިނުގައި 10 ފޫޓު ހުރެއެވެ.
މި މޮނިއުމަންޓް ތައްޔާރުކޮށްފައިވަނީ ދުބާއީގައެވެ. މި މޮނިއުމަންޓް ހެދުމަށް ހަ ލައްކަ ރުފިޔާ ވަނީ ހޭދަކޮށްފައެވެ.
6 ލައްކަ އޭ؟ ބަލާ ބެލުމަށް ހީވަނީ 1 ލައްކަ ރުފިޔާވެސް ނުދާނެކަމަށް. ހުރިހާ ކަމެއްގަވެސް އޮޅުވާލުމާ މަކަރުވެރިކަން.