މިއަހަރުގެ ޖޫން މަހު ރާއްޖެއަށް އެންމެ ގިނަ މުދާ އެތެރެކޮށްފައިވަނީ އޮމާން އިން ކަމަށް މޯލްޑިވްސް ކަސްޓަމްސް ސާރވިސް އިން ހާމަކޮށްފިއެވެ.
ކަސްޓަމްސްގެ ތަފާސް ހިސާބުތައް ދައްކާގޮތުން އޮމާން އިން އެކަނިވެސް ޖޫން މަހު ވަނީ 490 މިލިއަން ރުފިޔާގެ މުދާ ވަނީ ރާއްޖެއަށް އެތެރެކޮށްފައެވެ.
އަދި ޗައިނާއިން 391 މިލިއަން ރުފިޔާގެ މުދާ އެތެރެކޮށްފައިވާއިރު ސިންގަޕޯރއިން ވަނީ 354 މިލިއަން ރުފިޔާގެ މުދާ ޖޫން މަހު ރާއްޖެއަށް އެތެރެކޮށްފައެވެ. ވޭތުވެދިޔަ ޖޫން މަހު އަގުގެގޮތުން ރާއްޖެއަށް އެންމެ ގިނައިން މުދާ އިމްޕޯޓްކުރި ގައުމުތަކަކީ އޮމާން، ޗައިނާ، ސިންގަޕޯ، ޔޫއޭއީ އަދި އިންޑިއާއެވެ.
ޖޫންމަހު އަގުގެގޮތުން ރާއްޖެއަށް އެންމެ ގިނައިން މުދާ އެކްސްޕޯޓްކުރި ގައުމުތަކަކީ ތައިލެންޑް، ޖަޕާން، ޖަރުމަންވިލާތް، އިނގިރޭސިވިލާތް އަދި ސްވިޓްޒަރލޭންޑްއެވެ. ޖޫން 2020ގައި ރާއްޖެއިން ބޭރުން އައިސްފައިވަނީ 67 އުޅަނދުއެވެ. އަދި ޖޫން 2021ގައި 82 އުޅަނދު ވަނީ ރާއްޖެ އައިސްފައެވެ. ޖޫން 2020ގައި ރާއްޖެއިން ފުރާފައިވަނީ 73 އުޅަނދެވެ. އަދި ޖޫން 2021ގައި ރާއްޖެއިން ފުރާފައިވަނީ 95 އުޅަނދުއެވެ.
