ހދ ކުޅުދުއްފުށިން ކޮވިޑް19 އަށް ޕޮޒިޓިވްވި މީޙުންގެ އަދަދު 24 އަށް އަރައިފިއެވެ.
ކުޅުދުއްފުށީ ރީޖަނަލް ހޮސްޕިޓަލުން ހާމަކޮށްފައިވާ ގޮތުން މިއަދު އަލަށް ޕޮޒިޓިވް މީހުންގެ ތެރޭގައި ހިމެނެނީ ކުރިން ޕޮޒިޓިވްވި މީހުންނާއި އެއްތާވި 4 މީހުންނެވެ. އިއްޔެވެސް ކުޅުދުއްފުށިން ވަނީ 7 މީހުން ޕޮޒިޓިވްވެފައެވެ.
އެގޮތުން އިއްޔެ ޕޮޒިޓީވްވެފައިވަނީ ފުލޫ ކްލިނިކަށް ދެއްކި 2 މީހެއްގެ އިތުރުން މިހާތަނަށް ޕޮޒިޓިވްވީ ފަރާތްތަކުގެ ޑައިރެކްޓް ކޮންޓެކްޓުންގެ ގޮތުގައި ފާހަގަ ވެފައިވާ 5 މީހެކެވެ.
މިހާތަނަށް ބަލިން ފަސޭހަވެފައިވަނީ އެންމެ މީހެއް ކަމަށް ކޭއާރުއެޗުން ހާމަކުރެއެވެ. އެންމެ ފުރަތަމަ ޕޮޒިޓިވްވެފައިވަނީ މިމަހުގެ 24 ވަނަ ދުވަހު ކޭއާރުއެޗުގެ ފުލޫ ކްލިނިކަށް ދެއްކި 13 އަހަރުގެ ކުއްޖަކެވެ. އޭގެ ފަހުން ނެގުނު ސާމްޕަލް ތަކަކާއި ފުލޫ ކްލިނިކަށް ދެއްކި އިތުރު މީހުންތަކެއްގެ ސާމްޕަލުތަކެއްވެސް ވަނީ ޕޮޒިޓިވްވެފައި އެވެ.
