މޯލްޑިވްސް ނެޝަނަލް ޕާޓީ (އެމްއެންޕީ) އާއި ގުޅުމުގެ ޝައުގުވެރިކަން ހުރި ފަރާތްތަކަށް ފުރުސަތު ހުޅުވާލައިފިއެވެ.
އެމްއެންޕީން ބުނީ ގައުމަށް ހެޔޮ އެދޭ ފަރާތްތަކުން އެމްއެންޕީ އާއި ގުޅުމަށް އެދޭ ކަމަށެވެ. އެގޮތުން ހޮނިހިރު، އާދިއްތަ، ހޯމަ، އަންގާރަ، ބުދަ އަދި ބުރާސްފަތި ދުވަހު ހެނދުނު 10 އަކުން ރޭގަނޑު 11 ޖަހަންދެން އެ ޕާޓީގެ އޮފީސް ހުޅުވާފައި ހުންނާނެ ކަމަށެވެ.
އަދި ހުކުރު ދުވަހުވެސް ހަވީރު 4ން ރޭގަނޑު 11 ޖަހަންދެން އޮފީސް ހުޅުވާފައި ހުންނާނެ ކަމަށް އެޕާޓީން ހާމަކުރެއެވެ. އެޕާޓީން ހާމަކުރާ ގޮތުގައި ކުރިއަށް އޮތް ދުވަސްތަކުގައި އެމްއެންޕީގެ ގޮފިތައް ރާއްޖޭގެ އެހެން ރަށްރަށުގައިވެސް ހުޅުވިގެން ދާނެ ކަމަށާއި ޕާޓީއަށް މެމްބަރުން އިތުރު ކުރުމާއި އެހެންވެސް މަސައްކަތްތައް ހުއްޓުމެއް ނެތި ކުރިއަށް ގެންދަވާނެ ކަމަށެވެ. އެމްއެންޕީއަކީ މެދުމިނުގެ ސިޔާސަތުތަކަށް ތާއީދު ކުރާ ޕާޓީއެއް ކަމަށާއި ޒުވާނުންނަށް ބޮޑު އިސްކަމެއް ދޭނެ ކަމަށްވެސް އެޕާޓީން ވަނީ ހާމަކޮށްފައެވެ.
