ސެޕްޓެމްބަރު 11ގައި އިތުރު 3 ދާއިރާއެއްގެ ބައި އިލެކްޝަން ބާއްވަން އިލެކްޝަންސް ކޮމިޝަނުން ނިންމައިފިއެވެ.
އިލެކްޝަންސް ކޮމިޝަނުން ބުނީ ހދ. ނޭކުރެންދޫގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުކަމަށް އިންތިހާބު ކުރަންޖެހޭ އަދަދަށްވުރެ މަދުން މީހުން ކުރިމަތިލާފައިވާތީ ރ. މަޑުއްވަރީ އަދި ނ.ކެނދިކުޅުދޫގެ އަންހެނުންތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަން 11 ސެޕްޓެމްބަރ 2021 ގައި ބޭއްވުމަށް ނިންމާފައިވާ ކަމަށެވެ.
އިލެކްޝަނުން ބުނީ އިންތިހާބަށް ކުރިމަތިލުމުގެ ފުރުސަތު އޮތީ 14 އޮގަސްޓު 2021 ގެ 13:00ގެ ނިޔަލަށް ކަމަށެވެ.
މީގެ އިތުރުންވެސް 5 ދާއިރާއެއްގެ އިންތިހާބު އަންނަ މަހުގެ 7 ވަނަ ދުވަހުވެސް ބޭއްވުމަށް އިލެކްޝަންސް ކޮމިޝަނުން ވަނީ ނިންމާފައެވެ.
ހދ ނޭކުރެންދޫގައި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިތުރު ގޮނޑިއެއް ހުސްވެފައިވަނީ މިއަހަރު ބޭއްވުނު އިންތިހާބުގައި އިންތިހާބުވި މެމްބަރަކު އިސްތިއުފާ ދެއްވުމާއި ގުޅިގެންނެވެ.
ކެނދިކުޅުދޫއާއި، މަޑުއްވަރީގައިވެސް އިންތިހާބު ބޭއްވުމަށް ނިންމާފައިވަނީ، އެދެރަށުގެ އަންހެނުންގެ ކޮމެޓީތަކަށް އިންތިހާބުވި އެއް މެމްބަރަކު މަގާމުން އިސްތިއުފާ ދިނުމާއި ގުޅިގެންނެވެ.
