އިހަވަންދޫ ދާއިރާގެ ކުރީގެ މެމްބަރު މުހައްމަދު އަބްދުﷲ އަދި އެމްޑީއޭގެ މެމްބަރު ނަޒީރާވެސް ޕީޕީއެމްއަށް ސޮއިކޮށްފިއެވެ.
މިހާރު ކުރިއަށްދާ ރަސްމިއްޔާތެއްގައި މުހައްމާ އަދި ނަޒީރާގެ އިތުރުންވެސް ގިނަ ބަޔަކު ވަނީ ޕީޕީއެމްއާއި ގުޅިފައެވެ.
މާލެ ސިޓީ ކައުންސިލްގެ ހެންވޭރު އުތުރު ދާއިރާގެ ކުރީގެ ކައުންސިލަރު ފިޝާވިންވެސް ވަނީ މިރޭ ޕީޕީއެމްއަށް ގުޅިވަޑައިގެންފައެވެ.
ޕީޕީއެމްއާއި ގުޅުމަށްފަހު މުހައްމާ ވިދާޅުވީ، ރައީސް ޔާމީންއާއި ވަކިވެ އެހެން ވިސްނުމެއްގައި މަސައްކަތް ކުރަން ފެށުނީ ހެދުނު ގޯހަކުން ކަމަށެވެ. އަދި ރައީސް ޔާމީންއަށް ދެމުންދާ ނުހައްގު އަނިޔާ ގުޅިފައިވަނީ އެމަނިކުފާނު ގައުމަށްޓަކައި ކުރެއްވި މިންނެއް މަސައްކަޕުޅު ކަމަށް މުހައްމާ ވިދާޅުވިއެވެ.
ނަޒީރާ ވިދާޅުވީ މިހާރު ދިވެހިން ނޭވާ ލަމުން މިދަނީ މިނިވަން ގައުމަކަށް ނޫން ކަމަށާއި ޕީޕީއެމްގެ ލިޑަރޝިޕަކީ ދިވެހި ގައުމު އަނބުރާ ރައްޔިތުންނަށް ހޯދާދެވޭނެ ގާބިލްކަން އޮތް ލިޑަރޝިޕެއް ކަމަށެވެ. އަދި ވީހާވެސް ގިނަ ރައްޔިތުން ޕީޕީއެމްއާއި ގުޅުމަށް ނަޒީރާ ވަނީ އެދިވަޑައިގަންނަވާފައެވެ.
