ދެވަނަ ދައުރެއްގައި ރައްޔިތުންނަށް، ރައީސް އަބްދުﷲ ޔާމީން އިތުރު "ސަޕްރައިޒް" ތަކެއް ދޭނެ ކަމަށް ކުރީގެ ކޮމިއުނިކޭޝަން މިނިސްޓަރ މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް ކުރެއްވި ޓުވީޓެއްގައި ވިދާޅުވީ، ޕީޕީއެމްގެ ސަރުކާރެއް އަލުން އެކުލަވާލެވި ރައީސް ޔާމީންގެ 2 ވަނަ ދައުރު ވެގެން ދާނީ ރައްޔިތުންނަށް އިތުރު ސާޕްރައިޒްތަކެއް ގެނެސްދޭނެ އުއްމީދީ ވެރިކަމަކަށް ކަމަށެވެ.
އަދި ޕީޕީއެމް އާއި ގިނަ ބޭފުޅުން ގުޅިވަޑައިގަތުމަކީ ގައުމަށް މިވަގުތު ކޮށްދެވޭނެ އެންމެ ބޮޑު ހެޔޮކަން. ކަމަށް މަލީހް ވިދާޅުވިއެވެ. މަލީހް މިހެން ވިދާޅުވެފައިވަނީ ޕީޕީއެމްއަށް ގިނަ ބަޔަކު ސޮއިކުރުމުން އެފަރާތްތަކަށް މަރުހަބާ ވިދާޅުވެއެވެ. މަލީހުވެސް ވަނީ ދާދި ފަހުން ޕީޕީއެމްއަށް ސޮއިކޮށްފައެވެ. މަލީހުގެ އިތުރުން ކުރީގެ އިހަވަންދޫ ދާއިރާގެ މެމްބަރު މުހައްމަދު އަބްދުﷲ އާއި ރުކުމާ އަބުދުލް ކަރީމްގެ އިތުރުން ލޯޔަރު ވައްޑެ ވެސް ވަނީ ޕީޕީއެމްއާއި ގުޅިފައެވެ.
ޕީޕީއެމްއަށް މެމްބަރުން އިތުރު ކުރުމަށް އެޕާޓީން އަންނަނީ މިހާރު ގިނަ މަސައްކަތްތަކެއް ކުރަމުންނެވެ.
+1
+1
+1
+1
+1
+1
