މިނިވަންކަމުގެ ދިފާއުގައި- ދިވެހިން މިނަމުގައި ޕީޕީއެމުން ހާއްސަ ކެމްޕެއިނެއް ފަށައިފިއެވެ.
މި ކެމްޕެއިންއަކީ ގައުމުގެ މިނިވަންކަން ދިފާއުކުރަން ރައީސް އަބްދުﷲ ޔާމީންގެ ލަފާފުޅާއެކު ސަރުކާރުގެ ވާދަވެރިން ފެއްޓެވި ކެމްޕެއިނެކެވެ.
މިކެމްޕެއިން ރަސްމީކޮށް ފައްޓަވައިދެއްވީ ޕީޕީއެމް ޕީއެންސީ ކޯލިޝަން ހިންގެވުމާއި ވަގުތީ ގޮތުން ހަވާލުވެ ހުންނެވި އަބްދުﷲ ރަހީމް އަބްދުﷲ އެވެ.
އަބްދުއް ރަހީމް ވިދާޅުވީ ގައުމުގެ މިނިވަންކަން ގެއްލެން ފުރުސަތު ދީގެން ޕީޕީއެމުން ބަލަން ނުތިބޭނެ ކަމަށާއި މި ކެޕްއިންގައި ބައިވެރިވުމަށް އަދާލަތު ޕާޓީއާއި އެމްއާރުއެމް އަދި ޖުމުހޫރީ ޕާޓީގެ އެންމެހާއި ފަރާތްތަކަށްވެސް އަދުރޭ ގޮވާލެއްވިއެވެ.
މި ރަސްމިއްޔާތުގައި ވާހަކަފުޅު ދައްކަވަމުން މާލޭގެ މޭޔަރ ޑރ މުއިއްޒު ވިދާޅުވީ ވަގުތު ފާއިތު ނުވަނީސް އެންމެ އަގުބޮޑު ރައުސުލް މާލުގެ ދިފާއުގައި ނިކުމެ ބަސް ބުނަން ޖެހޭ ކަމަށެވެ.
މިރަސްމިއްޔާތުގައި ބައިވެރިވެވަޑައިގެން ވާހަކަފުޅު ދައްކަވަމުން ކުރީގެ އިސްލާމިކް މިނިސްޓަރ ޑރ ޝަހީމް ވިދާޅުވީ، ޕީޕީއެމުން މަސައްކަތް ކުރަނީ ވަތަނީ ފިކުރު އެއް ކުޑައެއްގެ ދަށަށް ގެނައުމަށް ކަމަށެވެ.
މި ކެމްޕެއިންގައި ބައިވެރިވުމަށް ހުރިހާ ރައްޔިތުންނަށް ޕާޓީގެ ލީޑަރޝިފުން ވަނީ ގޮވާލާފައެވެ.
