ކުރީގެ ރައީސް އަބްދުﷲ ޔާމީން މަރު ކޮމިޝަނަށް ހާޒިރު ކުރަން ނިންމާފައިވާ ކަމަށް އެމަނިކުފާނުގެ ވަކީލުންގެ ޓީމުން ބުނެފިއެވެ.
އެމަނިކުފާނުގެ ވަކީލުންގެ ޓީމުގައި ހިމެނިވަޑައިގަންނަވާ ޑރ މުހައްމަދު ޖަމީލް އަހުމަދު މި ސަރުކާރުގެ ނިޔަތް އޮތީ އެކި ގޮތްގޮތުން ރައީސް ޔާމީން އަށް އަނިޔާވެރިވުމަށް ކަމަށެވެ. އެގޮތުން މިމަހުގެ 3 ވަނަ ދުވަހު ރައީސް ޔާމީން މަރުކޮމިޝަނަށް ހާޒިރުވުމަށް މިއަދު އަންގާފައިވާ ކަމަށެވެ. އަދި މަރު ކޮމިޝަންވެސް ކުއްލިއަކަށް ހޭލާފައިވާ ކަމަށާއި ކޮމިޝަން ފެއިލްވެ ރައްޔިތުން ސުވާލުކުރަން ފެށީމަ އައްޑަނަ އަކަށް ހަދަނީ ރައީސް ޔާމީން ކަމަށެވެ.
ކުރީގެ ރައީސް އަބްދުﷲ ޔާމީންގެ ޝަރީއަތުގެ އަޑުއެހުމެއް މިއަދުވެސް ކްރިމިނަލް ކޯޓުގައި ވަނީ ކުރިއަށް ގެންގޮސްފައެވެ.
އެގޮތުން މިއަދު ކުރިއަށް ގެންގޮސްފައިވަނީ އެމަނިކުފާނުގެ މައްޗަށް ދައުލަތުން އުފުލާފައިވާ މަނީ ލޯންޑަރިން އާއި ރިޝްވަތު ގަބޫލު ކުރުމުގެ ދައުވާގެ އަޑު އެހުމެކެވެ.
