ކޮވިޑް19 ދިފާއު ވެކްސިންގެ ސެ ޑޯޒް ފުރިހަމަ ކުރި މީހުންގެ އަދަދު ދެ ލައްކަ އަށްޑިހަ ދެހާހުން މައްޗަށް އަރައިފިއެވެ.
އެޗްޕީއޭގެ އެންމެ ފަހުގެ ތަފާސް ހިސާބުތައް ދައްކާގޮތުން މިހާތަނަށް ދެ ޑޯޒް ފުރިހަމަ ކޮށްފައިވަނީ 282،653 މީހުންނެވެ.
އިއްޔެ އެކަނިވެސް ވަނީ އަތޮޅު ތެރެއިން 363 މީހުން ދެ ވަނަ ޑޯޒް ޖަހާފައެވެ މުޅި ރާއްޖެއިން މިހާތަނަށް ވެކްސިން ޖަހާފައިވަނީ 329،403 މީހުންނެވެ. މިއީ ރާއްޖޭގައި ދިރިއުޅޭ ބިދޭސީންވެސް ހިމެނޭ ގޮތަށެވެ. ސަރުކާރުން މިހާރު ވަނީ ވެކްސިން ފުރިހަމަ ކުރުމަށް ބާރު އެޅުމުގެ ގޮތުން ވެކްސިން ނުޖަހާ މީހުންނަށް ބައެއް އާއްމު ހިދުމަތްތައް ދިނުންވެސް ހުއްޓާލަން ނިންމާފައެވެ.
އެގޮތުން މިއަންނަ ސެޕްޓެންބަރު މަހުގެ އެއްވަނަ ދުވަހުން ފެށިގެން މިދަތިތައް އެޅުމަށް ވަނީ ނިންމާފައެވެ.
- ވެކްސިންގެ އެއްވެސް ޑޯޒެއް ނުޖަހާ މީހުން ހޮޓާ، ކެފޭ، ރެސްޓޯރަންޓް ފަދަ ކާބޯތަކެތީގެ ހިދުމަތް ދޭ ތަންތަނުން ހިދުމަތް ހޯދުމުގައި ވަކި ކަންކަމެއް ޝަރުތުކުރުން.
- ޖިމްތަކާއި ސެލޫންތަކާއި ސިނަމާތަކުން ހިދުމަތް ހޯދުމުގައި ވަކި ކަންކަމެއް ޝަރުތުކުރުން.
- ރައްޔިތުންނާ ގާތުން ދޭން ޖެހޭ ހިދުމަތްތައް ދޭ ފަރާތްތައް (ޓެކްސީ ޑްރައިވަރުން، ވެއިޓަރުން، ޖިމްތަކާއި ސެލޫންތަކުގައި މަސައްކަތްކުރާ ފަރާތްތައް ފަދަ) ވަކި ކަންކަމެއް ޝަރުތުކުރުން.
- އޮފީސްތަކުގައި ވަޒީފާ އަދާކުރާ ފަރާތްތަކުން އޮފީހަށް ހާޒިރުވުމުގައި ވަކި ކަންކަމެއް ޝަރުތުކުރުން. ވެކްސިން ޖެހުމަށް ޝަރުތު ހަމަވާ އުމުރުފުރައިގެ 21 އިންސައްތަ މީހުން އަދިވެސް ވެކްސިންގެ އެއްވެސް ޑޯޒެއް ނުޖަހާ ކަމަށް އެޗްޕީއޭއިން ހާމަކުރެއެވެ.
+1
+1
+1
+1
+1
+1
1
