އިންތަކާއި މިންތަކާއި އެއްގޮތަށް ފަތުރުވެރިކަމުގެ ވިޔަފާރި ކުރެއްވުމަށް ޓުއަރިޒަމް މިނިސްޓަރު އިލްތިމާސް ކުރައްވައިފިއެވެ.
ޓުއަރިޒަމް މިނިސްޓަރ ޑރ އަބްދުﷲ މައުސޫމް ކުރެއްވި ޓުވީޓެއްގައި ވިދާޅުވީ، ކޮވިޑުގެ ނުރައްކާ ރާއްޖޭގައި ނެތްކަމަށް ބަލަން އަދި މާ އަވަސް ކަމަށެވެ. އަދި އިއްޔެވެސް ސައުތު އޭޝިއާގެ 9 މީހުން ޕޮޒިޓިވު ވެފައިވާ ކަމަށާއި މީގެ ތެރޭގައި ބަނގުލާދޭޝް 6 މީހުންނާއި އިންޑިއާ 1 ސްރީލަންކާ 1 އަދި ނޭޕާލްގެ މީހަކު ހިމެނޭ ކަމަށެވެ.
އެހެންކަމުން އިންތަކާއި މިންތަކާއި އެއްގޮތަށް ފަތުރުވެރިކަމުގެ ވިޔަފާރި ކުރެއްވުމަށް ވިޔަފާރީގައި އުޅުއްވާ ހުރިހާ ފަރާތްތަކުން ސަމާލުވުމަށާއި ރައްކާވެ ތިބިއްޔާ ދަތުރު ފަތުރު ކަމަށް ޑރ މައުސޫމްގެ ޓުވީޓްގައި ވަނީ ވިދާޅުވެފައެވެ.
އެޗްޕީއޭގެ ތަފާސް ހިސާބުތައް ދައްކާގޮތުން އިއްޔެ އެކަނިވެސް ވަނީ ރިސޯޓްތަކުން 13 މީހަކު ޕޮޒިޓިވްވެފައެވެ. އޭގެ ކުރިން ދުވަހުވެސް ރިސޯޓްތަކުން 18 މީހަކު ޕޮޒިޓިވްވެފައިވެއެވެ. މިހާރުވެސް ރާއްޖޭގެ ބައެއް ރަށްތަކުގައި ގިނަ އަދަދަކަށް ސައުތު އޭޝިއާގެ މީހުން އެބައުޅެވެ. މީގެ ތެރޭގައި ގިނައީ ގައުމުތަކުގައި މަސައްކަތް ކުރާ މީހުން އެތަނަށް ދިއުމަށްޓަކައި ފުރިހަމަ ކުރަންޖެހޭ ކަރަންޓީނު ފުރިހަމަ ކުރުމަށް އައިސް އުޅޭ މީހުންނެވެ.
