ކިޔެވުމަކީ ހުވަފެންތަކުގެ ދުނިޔެއަށް ހުޅުވޭ ދޮރޯއްޓެއް ކަމަށް އެޑިއުކޭޝަން މިނިސްޓަރ އައިސްތް އަލީ ވިދާޅުވެއްޖެއެވެ.
މިއަދު ފެށުނު 2020-2021 ވަނަ އަހަރުގެ ދިރާސި އާ އަހަރާއި ގުޅިގެން އާއްމު ކޮށްފައިވާ ވީޑިއޯއެއްގައި މިނިސްޓަރ ވިދާޅުވީ މިއީ އާ ފެށުމެއް ކަމަށާއި އުޖާލާ އާ އަހަރެއް ކަމަށެވެ. އަދި ކިޔެވުމަކީ ހުވަފެންތަކުގެ ދުނިޔެއަށް ހުޅުވޭ ދޮރޯއްޓަކަށްވާއިރު މި ދޮރޯށީގެ ތަޅުދަނޑިއަކީ ކުރާހިތްވުން ކަމަށް މިނިސްޓަރ ވިދާޅުވިއެވެ.
މީގެ އިތުރުން ދޫދިނުމެއް ނެތި އެއްވާނެއްގައި ކުރާ މަސައްކަތަކީ ކާމިޔާބުގެ ސިއްރު ކަމަށް މިނިސްޓަރ ވިދާޅުވެފައިވެއެވެ.
ދިރާސީ އާ އަހަރުގެ ކިޔެވުން މިއަދު ދަރިވަރުން ސުކޫލަށް ހާޒިރުކޮށްގެން ފެށިގެން މިދިޔައީ ކޮވިޑް19 އާއި ގުޅިގެން ސުކޫލްތައް ބަންދުކޮށް އޮންލައިންކޮށް ގޭގައި ކިޔަވައިދޭތާ ގިނަ ދުވަސްތަކެއް ފަހުންނެވެ.
ދަރިވަރުން ހާޒިރުކޮށްގެން ސުކޫލްތަކުގައި ކިޔަވައިދޭން ފެށީ ކޮވިޑް19 އިން ރައްކާތެރިވުމަށް ހެލްތް ޕްރޮޓެކްޝަން އެޖެންސީން އަޅަން އަންގާފައިވާ ހުރިހާ ފިޔަވަޅުތަކަކާއެކުއެވެ.
