ފުލުހުންގެ ބައެއް އޮފިސަރުންނާމެދު ގޮތެއް ނިންމުމަށް ޕޮލިސް ބޯރޑުން ކޮމިޝަނަރ އޮފް ޕޮލިސް އަށް ފޮނުވާފައިވާ ކަމަށް ޕޮލިސް ބޯރޑުން ހާމަކޮށްފިއެވެ
ޕޮލިސް ބޯރޑުން ނެރެފައިވާ ނޫސްބަޔާނެއްގައި ބުނެފައިވަނީ، ގާނޫނުން ޕޮލިސް ބޯރޑާއި ހަވާލުކޮށްފައިވާ އެއް މަސްއޫލިއްޔަތަކީ ގާނޫނުގެ ތިން ވަނަ މާއްދާގެ ނ ގައި ބަޔާންކޮށްފައިވާ ގޮތުގެ މަތިން ޕޮލިސް ބޯރޑް އައްޔަން ކުރާ ތާރީހުން ފެށިގެން 4 މަސްުދުވަހުގެ ތެރޭގައި ގާނޫނަށް އަމަލު ކުރަން ފަށާއިރު ދިވެހި ފުލުހުންގެ ހިދުމަތުގައި ތިބި ކޮމިޝަންޑް އޮފިސަރުން ގެ ތެރެއިން ކޮމިޝަނަރަ އޮފް ޕޮލިސް ފިޔަވައި، ސްޕްރިންޓެންޑެންޓް އޮފް ޕޮލިސް އިން ފެށިގެން މަތީ ރޭންކްގެ ކޮމިޝަންޑް އޮފިސަރުން، ފުލުހަކަށް ވީތީ އެމީހަކަށް ލިބިފައިވާ ގާނޫނީ ބާރާ އިހުތިޔާރު ނަހަމަގޮތުގައި ބޭނުންކޮށް ލާއިންސާނީ އަނިޔާވެރި އަމަލެއް ނުވަތަ މައްސަލައެއް ދައުލަތުގެ އިދާރާއަކަށް ނުވަތަ ކޮމިޝަނަކަށް ރިޕޯޓްކުރެވިފައިވާ، އޮފިސަރުންނަކީ މަގާމާ އެކަށޭނަ ތައުލީމާއި ހުނަރާއި މަސައްކަތުެގ ތަޖުރިބާ އާއި ނަޒާހަތްތެރިކަން ހުރި އޮފިސަރުންނާމެދު ޕޮލިސް ބޯޑުން ކަނޑައެޅުމެވެ.
އެގޮތުން އޮފިސަރުންގެ ގާބިލްކަން ވަޒަން ކުރުމަށް ކުރި މަސައްކަތް ކަނޑައެޅިފައިވާ ތާރީހަށް ނިންމައި ގާނޫނުގައިވާ ގޮތުގެ މަތިން ތަންފީޒު ކުރުމަށްޓަކައި ކޮމިޝަނަރ އޮފް ޕޮލިސް އަށް ހުށަހަޅާފައިވާނެ ކަމަށްވެސް ޕޮލިސް ބޯޑުގެ ނޫސްބަޔާނުގައިވެއެވެ.
