އެކި އެކި ޕްރޮޖެކްޓްތައް ހިންގުމަށް 15 ޖަމިއްޔާއަކަށް ސަރުކާރުން 2.9 މިލިއަން ރުފިޔާ ސަރުކާރުންދީފިއެވެ.
ޔޫތު މިނިސްޓްރީން ހުޅުވާލީ އެންމެ މަތިން މާކްސް ލިބޭ 15 ޖަމިއްޔާއަަކަށް މާލީ އެހީ ދިނުމަށެވެ. މި ޖަމުއިއްޔާތަކާއި ހަވާލުކޮށްދެއްވީ ޔޫތު މިނިސްޓްރީ ހިންގެވުމާއި ވަގުތީ ގޮތުން ހަވާލުވެ ހުންނެވި، މިނިސްޓަރ އޮފް ޓުއަރިޒަމް ޑރ.އަބްދުﷲ މަޢުސޫމްއެވެ.
ޖަމިއްޔާތަކަށް މާލީ އެހީ ދިނުމަށް ހުޅުވާލި ފުރުސަތުގައި 62 ޖަމިއްޔާއަކުން ޕްރޮޕޯސަލް ހުށަހެޅި ކަމަށް ޔޫތު މިނިސްޓްރީން ހާމަކުރެއެވެ. މާލީ އެހީ ދިނުމަށް ހޮވުނު ޕްރޮޖެކްޓްތަކުގެ ތެރޭގައި ހިމެނެނީ ތިމާވެއްޓާމެދު މީހުން ހޭލުންތެރިކުރުމަށް ކުރިއަށްގެންދާ ޕްރޮޖެކްޓްތަކާއި ރަށްރަށުގައި އިޖްތިމާއީ ސަރަޙައްދުތައް ގާއިމުކުރުމާ، މުޖުތަމައުއަށް ގާނޫނީގޮތުން އެހީ ދިނުމުގެ ޕްރޮޖެކްޓްތަކާއި، ނަފްސާނީ އަދި ޖިސްމާނީ ދުޅަހެޔޮކަމަށް މަސައްކަތްކުރުމުގެ ޕްރޮޖެކްޓްތަކާ އާމްދަނީ ހޯދުމަށް ދަސްކޮށްދޭ ޕްރޮޖެކްޓްތައް ހިމެނެއެވެ.
މާލީ އެހީ ދޭނެ ޖަމިއްޔާތައް ކަނޑައަޅާފައިވަނީ ޕްރޮޕޯސަލްތައް ދިރާސާ ކުރުމަށް އެކުލަވާލި ކޮމިޓީއަކުންނެވެ.
