އިތުރު 1204 މީހުން ކޮވިޑް19 ދިފާއު ވެކްސިންގެ ދެ ވަނަ ޑޯޒް ޖަހައިފިއެވެ.
ހެލްތް ޕްރޮޓެކްޝަން އެޖެންސީގެ ތަފާސް ހިސާބުތައް ދައްކާގޮތުން ވެކްސިންގެ ދެވަނަ ޑޯޒް މާލެ ސަރަަހއްދުން ޖަހާފައިވަނީ 641 މީހުންނެވެ. އަތޮޅުތެރެއިން ދެވަނަ ޑޯޒް ޖެހީ 563 މީހުންނެވެ. ވެކްސިންގެ ފުރަތަމަ ޑޯޒް ޖަހާފައިވަނީ 1502 މީހުންނެވެ. މާލެ ސަރަހައްދުން އިއްޔެ ވެކްސިންގެ ފުރަތަމަ ޑޯޒް ޖެހީ 630 މީހުންނެވެ. އަތޮޅު ތެރެއިން ފުރަތަމަ ޑޯޒް ޖެހީ 872 މީހުންނެވެ.
މިހާތަަނަށް ޖުމުލަ ވެކްސިން ޖަހާފައިވަނީ 343،511 މީހުންނެވެ. ދެވަނަ ޑޯޒް މިހާތަަނަށް ޖަހާފައިވަނީ 294،109 މީހުންނެވެ. މިހާރުވަނީ ރާއްޖޭގެ އާބާދިގެ 69 އިންސައްތަ އަށް ވެކްސިން ޖަހާފައެވެ. ސަރުކާރުން ބުނެފައިވަނީ މިމަސް ނިމެންވާއިރަށް ވެކްސިން ޖަހަންޖެހޭ އާބާދީގެ 90 އިންސައްތަ މީހުންނަށް ވެކްސިން ޖެހުމަކީ އަމާޒެއް ކަމަށެވެ.
