ތިން ރަށެއްގައި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބު ބާއްވަން އިލެކްޝަންސް ކޮމިޝަނުން ނިންމައިފިއެވެ.
އިންތިހާބު ކުރަންޖެހޭ އަދަދަށްވުރެ މަދުން އަންހެނުންގެ ތަރައްގީއަށް މަސައްކަތްކުރާ ކޮމިޓީއަށް މީހުން ކުރިމަތިލާފައިވާތީ އަލުން ބައި އިލެކްޝަން ބާއްވަން ހަމަޖެއްސި ތިން ރަށްތަކަކީ ހދ ނޭކުރެންދޫ ރ. މަޑުއްވަރީ އަދި ނ.ކެނދިކުޅުދޫއެވެ.
އިލެކްޝަންސް ކޮމިޝަނުން ބުނީ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މި ތިން ރަށުގެ ބައި-އިލެކްޝަނަށް ކުރިމަތިލުމުގެ ފުރުސަތު މިއަދުގެ އެކެއް ޖެހުމުގެ ނިޔަލަށް ހަމަވާނެ ކަމަށެވެ. ނޭކުރެންދޫއާއި، މަޑުއްވަރީ އަދި ކެނދިކުޅުދޫގައި އިންތިހާބު ބޭއްވުމަށް ނިންމާފައިވަނީ އަންނަ ސެޕްޓެމްބަރު މަހުގެ 11ގައެވެ.
އިލެކްޝަންސް ކޮމިޝަނުން މިމަހުގެ 7 ވަނަ ދުވަހުވެސް ވަނީ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ 5 ރަށެއްގެ އިންތިހާބު ބާއްވާފައެވެ.
