މާދަމާއިން ފެށިގެން ފައިޒަރ ވެކްސިން ޖަހަން ފަށާނެ ކަމަށް އެޗްޕީއޭއިން ހާމަކޮށްފިއެވެ.
ހެލްތް ޕްރޮޓެކްޝަން އެޖެންސީން ބުނީ ކޮވެކްސްް ފެސިލިޓީ މެދުވެރިކޮށް ޔޫ.އެސްްގެ އެހީގައި ރާއްޖެއަށްް 600,128 ޑޯޒް ފައިޒަރ ވެކްސިން ލިބިފައިވާ ކަމަށެވެ.
އެހެންކަމުން މާދަމާ 15 އޮގަސްޓް އިން ފެށިގެން މާލެ އާއި އަތޮޅުތެރޭގައި ފައިޒަރ ވެކްސިން ޖެހުމަށް ހަމަޖެހިފައިވާ ކަމަށެވެ. ފައިޒަރ ވެކްސިނަކީ އުމުރުންް 12 އަހަރުން މަތީގެ މީހުންނަށް ޖެހުމަށް ހުއްދަ ލިބިފައިވާ ވެކްސިނެއްް ކަމުން މިފަހަރު ލިބިފައިވާ ފައިޒަރ ވެކްސިން ޖަހާނީ، 12 އަހަރާއި 17 އަހަރާ ދެމެދުގެ ކުދިނާއި، ދިފާއީ ނިޒާމް ބަލިކަށި މީހުނާއި، މާބަނޑު މީހުންނަށް ކަމަށް އެޗްޕީއޭއިން ހާމަކުރެއެވެ.
އެޗްޕީއޭގެ އެންގުމުގާއި ވާގޮތުން އުމުރުން 12 އަހަރާއި 17 އަހަރުގެ ކުދިންގެ ތެރެއިން މިހާރު ސުކޫލްގައި އުޅޭ ކުދިން އަދި މިދިޔަ ދިރާސީ އަހަރު 10 ނިންމި ކުދިންނަށް ވެކްސިން ދިނުމަށް ހަމަޖެހިފައިވަނީ މިނިސްޓްރީ އޮފް އެޑިއުކެޝަނާއި ގުޅިގެން ސުކޫލްތައް މެދުވެރިކޮށް ކަމަށް ބުނެފައިވެއެވެ.
