މާލެއިން 25 މީހުން ހިމެނޭހެއް މުޅި ރާއްޖެއިން މިދިޔަ 13 ގަޑިއިރުގެ ތެރޭގައި 74 މީހުން ކޮވިޑް-19 އަށް ޕޮޒިޓިވް ވެއްޖެ އެވެ.
މިއަދު އިރުއޮއްސި 6 ޖެހުމާއި ހަމައަށް ވޭތުވެދިޔަ 24 ގަޑިއިރު އަތޮޅު ތެރޭގެ މީހުން ދިރިއުޅޭ ރަށްތަކުން ޕޮޒިޓިވްވީ 51 މީހުންނެވެ. އަދި ރިޒޯޓުތަކުން ޕޮޒިޓިވްވީ 10 މީހުންނެވެ.
އެޗްޕީއޭގެ މައުލޫމާތުތައް ދައްކާ ގޮތުން މުޅި ރާއްޖެއިން މިވަގުތު ކޮވިޑް ޖެހި ފަރުވާ ދެމުން ދަނީ 1،735 މީހުންނަށެވެ. އޭގެ ތެރެއިން 18 މީހުންނަށް ފަރުވާ ދެނީ ހޮސްޕިޓަލުގައި އެޑްމިޓު ކޮށްގެންނެވެ.
ރާއްޖެއިން މިހާތަނަށް 79،000 މީހުން ކޮވިޑަށް ޕޮޒިޓިވްވި އިރު ބަލީގައި މަރުވި މީހުންގެ އަދަދަކީ 222 އެވެ.
ރާއްޖޭގެ އެކި ހިސާބުތަކުގައި ކޮވިޑް ދިފާއު ވެކްސިން ދިނުމުގެ ޕްރޮގުރާމް ހަލުވިކަމާއިއެކު ކުރިއަށް ދާއިރު ސަރުކާރުގެ އަމާޒަކީ މިމަސް ނިމުމުގެ ކުރިން އާބާދީގެ 90 އިންސައްތައަށް ވެކްސިން ދީ ނިންމުމެވެ.
މާލެ ސަރަހައްދުގެ ބޮޑު ބަޔަކަށް ވެކްސިން ދިނުމާއިއެކު މި ސަރަހައްދުގައި ބަލީގެ ހާލަތު ރަނގަޅުވެ މިއަދު ވަނީ ސުކޫލްތަކަށް ދަރިވަރުން ހާޒިރުކޮށް ކިޔަވައިދޭންވެސް ފަށާފައެވެ.
