މާލެއިން 30 މީހުން ހިމެނޭހެއް މުޅި ރާއްޖެއިން މިދިޔަ 13 ގަޑިއިރުގެ ތެރޭގައި 137 މީހުން ކޮވިޑް-19 އަށް ޕޮޒިޓިވް ވެއްޖެ އެވެ.
މިއަދު އިރުއޮއްސި 6 ޖެހުމާއި ހަމައަށް ވޭތުވެދިޔަ 24 ގަޑިއިރު އަތޮޅު ތެރޭގެ މީހުން ދިރިއުޅޭ ރަށްތަކުން ޕޮޒިޓިވްވީ 51 މީހުންނެވެ. އަދި ރިޒޯޓުތަކުން ޕޮޒިޓިވްވީ 10 މީހުންނެވެ.
އެޗްޕީއޭގެ މައުލޫމާތުތައް ދައްކާ ގޮތުން މުޅި ރާއްޖެއިން މިވަގުތު ކޮވިޑް ޖެހި ފަރުވާ ދެމުން ދަނީ 1،626 މީހުންނަށެވެ. އޭގެ ތެރެއިން 20 މީހުންނަށް ފަރުވާ ދެނީ ހޮސްޕިޓަލުގައި އެޑްމިޓު ކޮށްގެންނެވެ.
ރާއްޖެއިން މިހާތަނަށް 79،137 މީހުން ކޮވިޑަށް ޕޮޒިޓިވްވި އިރު ބަލީގައި މަރުވި މީހުންގެ އަދަދަކީ 222 އެވެ.
ވޭތުވެ ދިޔަ 24 ގަޑި އިރުގެ ތެރޭގައި ނަގާފައިވަނީ 5،151 ސާމްޕަލްއެވެ. މީގެ ތެރެއިން 1856 ސާމްޕަލް އަކީ މާލެ ސަރަހައްދުން ނަގާ ޓެސްޓް ކުރި ސާމްޕަލްއެވެ.
+1
+1
+1
+1
+1
+1
