އެމްބެސެޑަރ ބްރޭންޑްގެ ކްކިންގކްރީމްގެ އެއް ލޮޓް ފިޔަވައި އެހެން އެއްޗެހި ބޭނުން ކުރަން ހުއްދަދީފިއެވެ.
އެމްބެސެޑަރ ބްރޭންޑުގެ "ވެޖިޓަބަލް ކްރީމް" އުފެއްދުމުގައި ބޭނުންކޮށްފައިވާ ބާވަތެއްކަމަށްވާ "ލޯކަސްޓް ބީމް ގަމް" ކެމިކަލެއްގެ ސަބަބުން ތަގައްޔަރުވެފައިވާތީ، އެ އުފެއްދުން ރާއްޖޭގައި ބޭނުން ނުކުރުމަށް މިމަހުގެ 5 ދުވަހު މޯލްޑިވްސް ފުޑް އެންޑް ޑްރަގް އޮތޯރިޓީން ވަނީ އަންގާފައެވެ.
ނަމަވެސް މިއަދު އެ އޮތޯރިޓީން ނެރުނު ބަޔާނެއްގައި ބުނެފައިވަނީ، އެ އޮތޯރިޓީން މިހާތަނަށް ހޯދި ހޯދުމުން "އެތިލީން އޮކްސައިޑް" އިން ތަގައްޔަރު ވުމުގެ ފުރުސަތު އޮތް "އެމްބެސެޑަރ" ބްރޭންޑްގެ ވެޖިޓަބަލް ކްރީމް އަކީ އެ ބްރޭންޑްގެ ގޯލްޑް ވިޕިން އެންޑް ކުކިންނ ކްރީމްގެ ނަމްބަރު L21090 ލޮޓްކަމާއި އަދި އެ އުފެއްދުމުގެ މުއްދަތު ހަމަވާ ތާރީހަކީ 26 މާރިޗު 2022 ކަން ވަނީ ކަށަވެރުވެފައި ކަމަށެވެ.
އެހެންކަމުން އެމްބެސެޑަރ ބްރޭންޑްގެ ގޯލްޑް ވިޕިން އެންޑް ކުކިންނ ކްރީމްގެ ނަނމްބަރު L21090 ލޮޓްގެ އުފެއްދުންތައް ފިޔަވައި އެހެން އުފެއްދުންތައް ބޭނުން ކުރުން އެންމެ ރަނގަޅު ކަމަށް އެ އޮތޯރިޓީގެ ބަޔާނުގައިވެއެވެ.
