32 ބިލެއް މަޖިލީހަށް ފޮނުވަން ނިންމާފައިވާކަމަށް ބަންޑާރަ ނާއިބުގެ އޮފީހުން ހާމަކޮށްފިއެވެ.
ބަންޑާރަ ނައިބުގެ އޮފީހުން ވަނީ ރައްޔިތުންގެ މަޖިލީހުގެ ގަވައިދުގެ 82 ވަނަ މާއްދާގެ ރ ގެ ދަށުން މަޖިލީހަށް ހުށަހަޅަން ގަސްތުކުރާ ބިލްތަކުގެ ލިސްޓެއް މަޖިލީހަށް ފޮނުވާފައެވެ.
މީގެ ތެރޭގައި، ގާނޫނީ އަދި ޝަރުއީ ދާއިރާއާ ގުޅުންހުރި ބިލުތަކާއި، ދީނީ އަދި އިޖްތިމާއީ ދާއިރާއާގުޅޭ ބިލުތަކާއި، އިގްތިސާދީ އަދި ތިމާވެށީގެ ދާއިރާއާގުޅޭ ބިލުތައް ހިމެނޭ ކަމަށްވެސް އެ އޮފީޙުން ހާމަކުރެއެވެ.
ބައެއް މުހިންމު ބިލްތަކުގެ ތެރޭގައި މޯލްޑިވްސް މީޑިއާ އެންޑް ބްރޯޑްކާސްޓިން އޮތޯރިޓީގެ ބިލާއި، ހެއްކާ ބެހޭ ބިލާއި، ޓެރަރިޒަމް މަނާ ކުރުމުގެ ގާނޫނަށް އިސްލާހު ގެނައުމުގެ ބިލާއި، މޯލްޑިވްސް ހެލްތް ސަރވިސަސްގެ ބިލާއި، ޑިޕްލޮމެޓިކް އިމްތިޔާޒުގެ ބިލްވެސް ހިމެނެއެވެ.
ރައްޔިތުންގެ މަޖިލީހުގެ މިއަހަރުގެ ތިން ވަނަ ދައުރުގެ ޖަލްސާތައް ފެށީ އިއްޔެއެވެ.
