މާލެއިން 36 މީހުންނާއިއެކު ޖުމްލަ 130 މީހުން ކޮވިޑަށް ޕޮޒިޓިވް ވެއްޖެއެވެ.
މިއަދު އިރުއޮއްސި 6 ޖެހުމާއި ހަމައަށް ވޭތުވެދިޔަ 24 ގަޑިއިރު އަތޮޅު ތެރޭގެ މީހުން ދިރިއުޅޭ ރަށްތަކުން ޕޮޒިޓިވްވީ 86 މީހުންނެވެ. އަދި ރިޒޯޓުތަކުން ޕޮޒިޓިވްވީ 08 މީހުންނެވެ.
އެޗްޕީއޭގެ މައުލޫމާތުތައް ދައްކާ ގޮތުން މުޅި ރާއްޖެއިން މިވަގުތު ކޮވިޑް ޖެހި ފަރުވާ ދެމުން ދަނީ 1،679 މީހުންނަށެވެ. އޭގެ ތެރެއިން 13 މީހުންނަށް ފަރުވާ ދެނީ ހޮސްޕިޓަލުގައި އެޑްމިޓު ކޮށްގެންނެވެ.
ރާއްޖެއިން މިހާތަނަށް 79،419 މީހުން ކޮވިޑަށް ޕޮޒިޓިވްވި އިރު ބަލީގައި މަރުވި މީހުންގެ އަދަދަކީ 222 އެވެ.
ވޭތުވެ ދިޔަ 24 ގަޑި އިރުގެ ތެރޭގައި ނަގާފައިވަނީ 5،237 ސާމްޕަލްއެވެ. މީގެ ތެރެއިން 2،016 ސާމްޕަލް އަކީ މާލެ ސަރަހައްދުން ނަގާ ޓެސްޓް ކުރި ސާމްޕަލްއެވެ.
+1
+1
+1
+1
+1
+1
