މިއަހަރުގެ މިހާތަނަށް ހަތްލައްކައަށް ވުރެ ގިނަ ފަތުރުވެރިން ރާއްޖެ ޒިޔާރަތްކޮށްފިއެވެ.
ޓުއަތިޒަމް މިނިސްޓްރީގެ ތަފާސް ހިސާބުތައް ދައްކާގޮތުން މިއަހަރުގެ ޖެނުއަރީ އެކަކުން އޮގަސްޓް 19 އަށް ވަނީ ހަތްލައްކަ ފައްސަތޭކަ ނުވަދިހަ ހަަތަރު ފަތުރުވެރިން ވަނީ ރާއްޖެ އައިސްފިއެވެ. މިމަހުގެ މިހާތަނަށް ވެސް 88.227 ފަތުރުވެރިން ރާއްޖެ އައިސްފިއެވެ.
މިއަހަރުގެ ޖެނުއަރީމަހު އެވްރެޖްކޮށް ކޮންމެ ދުވަހަކު ރާއްޖެއަށް 2،971 ފަތުރުވެރިން އައިސްފައިވެއެވެ. ފެބްރުއަރީމަހު ރާއްޖެއަށް އެވްރެޖްކޮށް ކޮންމެ ދުވަހަކު 3،460 ފަތުރުވެރިން އައިސްފައިވާއިރު، މާރޗުމަހު ކޮންމެ ދުވަހަކު 3،535 ފަތުރުވެރިން އައިސްފައިވެއެވެ. އަދި އޭޕްރީލްމަހު ރާއްޖެއަށް ކޮންމެ ދުވަހަކު 3،040 ފަތުރުވެރިން އައިސްފައިވެއެވެ.
ރާއްޖެއަށް ޒިޔާރަތްކޮށްފައިވާ ފަތުރުވެރިންގެ 22 އިންސައްތަ އަކީ ރަޝިއާ ފަތުރުވެރިންނެވެ. ދެވަނައަށް އެންމެ ގިނަ އަދަދަކަށް ފަތުރުވެރިން ރާއްޖެއަށް ޒިޔާރަތްކޮށްފައިވަނީ އިންޑިއާއިންނެވެ. ރާއްޖެއަށް ޒިޔާރަތްކޮށްފައިވާ ފަތުރުވެރިންގެ 18.9 އިންސައްތަ އަކީ އިންޑިއާ ފަތުރުވެރިންނެވެ.
