ގައިޑްލައިންތަކަށް އަމަލު ކުރޭތޯ ބެލުމަށް ފުވައްމުލަކުގައި އިންސްޕެކްޝަނެއް ކުރިއަށް ގެންގޮސްފިއެވެ.
މި އިންސްޕެކްޝަން ކުރިއަށް ގެންގޮސްފައިވަނީ ފުވައްމުލަކު ސިޓީ ކައުންސިލާއި ފުލުހުން ގުޅިގެންނެވެ.
މިއީ ފުވައްމުލަކުގައި ކޮވިޑް-19ގެ ކޭސްތައް އިތުރުވަމުންދާތީ ފުވައްމުލަކު ސިޓީ ކައުންސިލާއި ފުލުހުން ގުޅިގެން ކުރިއަށް ގެންދިޔަ އިންސްޕެކްޝަނެކެވެ.
މި އިންސްޕެކްޝަންގައި ފުވައްމުލަކުގައި ހުރި ހޮޓާ، ކެފޭ، ރެސްޓޯރަންޓް އަދި ފިހާރަތަކުން ހިދުމަތް ދިނުމުގައި އެޗްޕީއޭއިން ކަނޑައަޅާފައިވާ މިންގަނޑުތަކާ އެއްގޮތަށް ހިދުމަތް ދެމުންދޭތޯ ކަށަވަރުކުރުމާއި ހޭލުންތެރިކަން އިތުރުކުރުމަށް މައުލޫމާތު ދީފައިވެއެވެ.
ފުވައްމުލަކު ސިޓީ ކައުންސިލާއި ފުލުހުން ގުޅިގެން މީގެކުރިންވެސް ވަނީ މިފަދަ އިންސްޕެކްޝަންތަކެއް ކުރިއަށް ގެންގޮސްފައެވެ. ކޮވިޑް-19 އާ ގުޅިގެން ކަނޑައަޅާފައިވާ ގައިޑްލައިންތަކަށް އަމަލުކުރޭތޯ ކަށަވަރުކުރުމަށް ދޭތެރެ ދޭތެރެއިން މިފަދަ އިންސްޕެކްޝަންތައް ފުވައްމުލަކު ސިޓީ ކައުންސިލާއި ފުލުހުން ގުޅިގެން ދަނީ ހިންގަމުންނެވެ.
