ކުރިއަށް އޮތް އެމްޑީޕީގެ ގައުމީ މަޖިލީހުގެ އިންތިހާބުގައި ތާއީދުކުރާނީ ބަރުލަމާނީ ނިޒާމަށް ތާއިކުރާ ކެންޑިޑޭޓުންނަށް ކަމަށް އެޕާޓީގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ކުރެއވްި ޓުވީޓެއްގައި ވިދާޅުވީ، އެމްޑީޕީގެ ގައުމީ މަޖިލިސްގެ އައު ދައުރަށް ކުރިމަތިލައްވާފައިވާ ކެންޑިޑޭޓުންގެ ތެރެއިން ބަރުލަމާނީ ނިޒާމަށް ތާއީދު ކުރާ ހުރިހާ ކެންޑިޑޭޓުންނަށް ތާއީދު ކުރާނެ ކަމަށެވެ.
އެމްޑީޕީގެ ގައުމީ މަޖިލީހުގެ އިންތިހާބު ބޭއްވުމަށް ނިންމާފައިވަނީ މިއަންނަ ސެޕްޓެމްބަރު މަހުގެ 25 ވަނަ ދުވަހުއެވެ. މިހާރު ވަނީ މި އިންތިހާބުގައި ވާދަކުރާ ކެންޑިޑޭޓުންގެ ލިސްޓްއާއްމުކޮށް އެ ލިސްޓަށް ޝަކުވާ ހުށަހެޅުމަށް ހުޅުވާލާފައެވެ.
މިއީ އެމްޑީޕީން ބާއްވާ އިންތިހާބުގެ ތެރެއިން ބާއްވާ އެންމެ ބޮޑު އިންތިހާބެވެ. އެމްޑީޕީގެ ބައެއް އިސްފަރާތްތަކުން މިހާރު ވަނީ ބަރުލަމާނީ ނިޒާމު ގެނައުމަށް ތާއީދުކޮށް ޕެޓިޝަނެއްވެސް އެކުލަވާލާ ތައްޔާރުކުރަމުންނެވެ. އަދި މި ޕެޓިޝަން ރައީސުލްޖުމްހޫރިއްޔާގެ އިތުރުން ރައްޔިތުންގެ މަޖިލީހަށްވެސް ހުށައަޅާނެކަމަށް މިކަން އިންތިޒާމު ކުރާ ފަރާތުން ވަނީ ހާމަކޮށްފައެވެ.
