ރާއްޖޭގެ އާބާދީގެ 12އަހަރާއި 17 އަހަރާ ދެމެދުގެ 20,239 ކުދީންނަށް ފައިޒަރ ވެކްސިންގެ ފުރަތަމަ ޑޯޒް ދީފައިވާ ކަމަށް އެޑިއުކޭޝަން މިނިސްޓްރީން ހާމަކޮށްފިއެވެ.
އެޑިއުކޭޝަން މިނިސްޓްރީން ބުނީ މިއީ 12 އަހަރާއި 17 އަހަރާއި ދެމެދުގެ ވެކްސިންޖެހޭ ކެޓަގަރީގެ 50 އިންސައްތަ އާބާދީއަށްވުރެ އިތުރު އަދަދެއް ކަމަށެވެ. އަދި މިއީ ރާއްޖޭގެ ދަރިވަރުންގެ ރައްކާތެރި ކަމަށް ކުރެވެމުންދާ މަސައްކަތަށް ލިބުނު ބޮޑު ކާމިޔާބީއެއް ކަމަށް އެމިނިސްޓްރީން ހާމަކުރެއެވެ.
ރާއްޖޭގެ ސުކޫލްތަކުގައި ވެކްސިން ދިނުމުގެ ޕްރޮގްރާމް ފަށާފައިވާއިރު ސުކޫލްތަކުގައި އުމުރުން 12 އަހަރުން މަތީގެ ދަރިވަރުންގެ ތެރެއިން ވެކްސިން ޖެހޭނެ، އުމުރުފުރާގެ ތިބީ ގާތްގަނޑަކަށް 40000 ދަރިވަރުން ކަމަށް އެޑިއުކޭޝަނުން ވަނީ ހާމަކޮށްފައެވެ.
ރާއްޖެއަށް ވަނީ އެމެރިކާ ސަރުކާރުން އެއްލައްކަ އަށް ވުރެ ގިނަ ޕައިޒަރ ވެކްސިންގެ ޑޯޒް ހަދިޔާކޮށްފައެވެ. ހެލްތް ޕްރޮޓެކްޝަން އެޖެންސީން ވަނީ ޕައިޒަރ ވެކްސިން ޖެހުމަށް ފަސް ގުރޫޕެއް ކަނޑައަޅާފައެވެ.
މިހާތަނަށް ރާއްޖެއިން ވަނީ 364،847 މީހުންނަށް ވެކްސިން ދީފައެވެ.
