ރަސްފަރި ފަރަށް އަރާފައިވާ ބޯޓުން ތިމާވެއްޓަށް ނޭދެވޭ އަސަރުކުރާނެ އެއްވެސް އެއްޗެއް ކަނޑަށް ބޭރުވެފައި ނުވާކަމަށް މޯލްޑިވްސް ޓްރާސްޕޯޓް އޮތޯރިޓީން ހާމަކޮށްފިއެވެ.
ބޯޓާއި ގުޅޭ ތަފްސީލް ހާމަކޮށް ޓްރާސްޕޯޓް އޮތޯރިޓީން ނެރުނު ބަޔާނެއްގައި ބުނެފައިވަނީ ސަރުކާރުގެ ކަމާބެހޭ އިދާރާތަކާއި ބޯޓުގެ ވެރިފަރާތް ގުޅިގެން މި އުޅަނދު ފުންކުރުމަށްޓަކައި ކުރަންޖެހޭ މަސައްކަތްތައް ކުރަމުން ދާކަމަށެވެ. ފަރަށް އަރާފައިވާ މި ބޯޓުގައި 1200 ޓަނުގެ ލޯ ސަލްފާ އައި.އެފް.އޯ އަދި 80 ޓަނުގެ ލޯ ސަލްފާ މެރިންގ ގޭސް އޮއިލް ބޯޓުގައި ހުރިކަމަށާއި، މިތަކެތި ހުރުމުން ކަނޑަށް ތެޔޮ ބޭރު ނުވާނެގޮތަށް ކަންކަން ހަމަޖެއްސުމަށް ކުރަންޖެހޭ މަސައްކަތްތައް ކުރުމަށް އުޅަނދުގެ ވެރިފަރާތަށް އަންގާފައިވާނެ ޓްރާންސްޕޯޓުގެ ބަޔާނުގެވެއެވެ.
ބޯޓު ފަރަށް އަރާފައިވަނީ އިންޖީނު ފެއިލްވުމުގެ ސަބަބުން ކާށިދޫ ކަނޑުގެ ދެކުނުންނެވެ. މި އުޅަނދަކީ އިންޑިޔާގެ ޓުޓުކޮރިންގ ބަނދަރުން ފުރައިގެން އެފްރިކާ ބައްރަށް ދަތުރުކުރުމަށްޓަކައި ރާއްޖޭގެ ސަރަހައްދު ހުރަސްކޮށް ދަތުރުކުރަމުންދިޔަ ބޯޓެއް ކަމަށާއި، މި ބޯޓުގައި އެއްވެސް ކާގޯއެއް ނެތްކަމަށްވެސް ޓްރާސްޕޯޓް އޮތޯރިޓީން ބުނެފައިވެއެވެ.
