ކަޔާނޯގެ ލަވަ އަޑުއިވި އަސަރުން ރޮވިއްޖެ: ނަޝީދު

ޓްރެފިކްޖޭމްގެ ލީޑު ވޯކަލިސްޓް ކަޔާނޯގެ "ބޮމްބް" ލަވަ އަޑުއިވި އަސަރުން ރޮވިފައިވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެެއެވެ.

ނަޝީދު ކުރެއްވި ޓުވީޓެއްގައި ޓްރެފިލްޖޭމްގެ ލީޑު ވޯކަލިސްޓް ކަޔާނޯއާއި ބޭންޑްގެ ހުރިހާ މެމްބަރުންނަށް ވަރަށް ބޮޑަށް ތަހުނިޔާ ވިދާޅުވެފައެވެ. ނަޝީދު ވިދާޅުވީ އޭނާގެ ބަސް ހުއްޓިފައި އިނދެވެނީ މަދުފަހަރަކު ކަމަށެވެ. ނަމަވެސް މިވަގުތު އިންނެވީ އަސަރުން ރޮވިފައި ކަމަށާއި އަދި އުފަލުން ހެވިފައި ލަވައިގެ މަންޒަރު ފެނިފައި ހީބިހި ނަގާފައިވާ ކަމަށް ނަޝީދުގެ ޓުވީޓްގައި ވިދާޅުވެފައިވެއެވެ.

ބޮމްބް ގެ ނަމުގައި ޓްރެފިލް ޖޭމުން ލަވައެއް ރިލީސްކޮށްފައިވަނީ އިއްޔެގެ ވަގުތެއްގައެވެ. މިލަވައިގާ ބުނެފައި ވަނީ ނަޝީދު އެނބުރި އަންނާނެ ކަމަށާއި ނަޝީދަކީ ނުގުޑާ އަޒުމެއްގައި ހުރި މީހެއް ކަމަށެވެ.