އިޖުތިމާއީ ރައްކާތެރިކަން ކަށަވަރު ކޮށްދޭނެ ގޮތްތަކާއި ބެހޭގޮތުން ފުޅާދާއިރާއެއްގައި ޖެންޑަރ މިނިސްޓަރ އައިޝަތު މުޙައްމަދު ދީދީ އާއި ނ.ކެނދިކުޅުދޫ ކައުންސިލުން މަޝްވަރާ ކޮށްފިއެވެ.
މިނިސްޓަރ އައިޝަތު މުހައްމަދު ދީދީ، ނ.ކެނދިކުޅުދޫ ކައުންސިލްގެ ރައީސް މުހައްމަދު ރައޫފް އާ، ބައްދަލު ކުރެއްވީ އިއްޔެގެ ވަގުތެއްގައެވެ.
މިނިސްޓަރަށް އަރުވާ، އިޖުތިމާއީ އަޅާލުމުގެ ގޮތުން ދެވޭ ހިދުމަތްތައް، ކައުންސިލާއި ނ.އަތޮޅުގެ ފެމިލީ އެންޑް ޗިލްޑްރަންސް ސާރވިސް ސެންޓަރ އާއި މިނިސްޓްރީގެ އިދާރާތައް ގުޅިގެން އިތުރަށް ހަރުދަނާ ކުރާނެގޮތްތަކާއި ބެހޭގޮތުން ފުޅާދާއިރާއެއްގައި މަޝްވަރާ ކޮށްފައިވާ ކަމަށް ޖެންޑަރ މިނިސްޓްރީން ހާމަކުރެއެވެ.
އަދި ރަށުގެ ރައްޔިތުންގެ އިޖުތިމާއީ ރައްކާތެރިކަމާއި އަޅާލުން ކަށަވަރު ކޮށްދިނުމާއި ގުޅޭގޮތުން ނ.ކެނދިކޮޅުދޫ ކައުންސިލުން ކުރަމުން ގެންދާ މަސައްކަތުގެ މައުލޫމާތު މިނިސްޓަރ އޮޅުން ފިލުއްވާފައިވާ ކަމަށްވެސް ޖެންޑަރ މިނިސްޓްރީން ހާމަކުރެއެވެ.
