މިއަދު ރާއްޖެއިން ކޮވިޑަށް ޕޮޒިޓިވްވީ 103 މީހުން ކަމަށް އެޗްޕީއޭގެ ތަފާސް ހިސާބުތަކުން ދައްކައިފިއެވެ.
އެގޮތުން މާލެ ސަރަހައްދުން މިއަދު ޕޮޒިޓިވްވެފައިވަނީ 20 މީހުންނެވެ. އަތޮޅު ތެރެއިން ވަނީ 68 މީހުން ޕޮޒިޓިވްވެފައެވެ. އަދި ރިސޯޓްތަކުންވެސް މިއަދު ވަނީ 15މީހުން ޕޮޒިޓިވްވެފައެވެ.
މިހާތަނަށް ރާއްޖެއިން މިބަލި ޖެހިފައިވާ މީހުންގެ ޖުމުލަ އަދަދަކީ 80،539 އެކެވެ. މިހާރު މިބައްޔަށް ފަރުވާ ކުރަމުންދަނީ 1،607 މީހުންނެވެ. މިވަގުތ ހޮސްޕިޓަލްތަކުގައި އެޑްމިޓް ކޮށްގެން ފަރުވާ ދެމުންދަނީ 11 މީހުނަށެވެ. މިބަލީގައި ރައްޖެއިން 225 މީހުން ވަނީ ނިޔާވެފައެވެ.
ވޭތުވެދިޔަ ސައުވީސް ގަޑި އިރުގެ ތެރޭގައި ޓެސްޓްކޮށްފައިވަނީ 4،721 ސާމްޕަލްއެވެ. މީގެ ތެރެއިން 1،478 ސާމްޕަލް ނަގާފައިވަނީ މާލެ ސަރަހައްދުންނެވެ.
+1
+1
+1
+1
+1
+1
