ހޮނިހިރު ދުވަހު ދެވަނަ ޑޯޒް ޖެހީ 334 މީހުން ކަމަށް އެޗްޕީއޭގެ ތަފާސް ހިސާބުތަކުން ދައްކައިފިއެވެ.
ހެލްތް ޕްރޮޓެކްޝަން އެޖެންސީގެ ތަފާސް ހިސާބުތައް ދައްކާ ގޮތުން ހޮނިހިރު ދުވަހު މާލެ ސަރަހައްދުން ދެވަނަ ޑޯޒް ޖެހީ 188 މީހުން ކަމަށެވެ. އަތޮޅު ތެރެއިން ދެވަނަ ޑޯޒް ހޮނިހިރު ދުވަހު ޖެހީ 146 މީހުންނެވެ. އަދި ފުރަތަމަ ޑޯޒް ޖަހާފައިވަނީ 780 މީހުންނެވެ. މާލެ ސަރަހައްދުން ފުރަތަމަ ޑޯޒް ޖެހީ 258 މީހުންނެވެ. އަދި އަތޮޅު ތެރެއިން ފުރަތަމަ ޑޯޒް ޖަހާފައިވަނީ 522 މީހުންނެވެ.
މުޅި ރާއްޖެއިން ފުރަތަމަ ޑޯޒް ޖަހާފައިވަނީ 382،677 މީހުންނެވެ. މުޅި ރާއްޖެއިން ދެވަނަ ޑޯޒް ޖަހާފައިވަނީ މިހާތަނަށް 301،523 މީހުންނެވެ.
މިހާރު ވަނީ ސުކޫލް ދަރިވަރުންގެ ތެރެއިން 12 އަހަރާއި 17 އަހަރުގެ ކުދިންގެ ތެރެއިންވެސް 32 ހާހަށް ވުރެ ގިނަ ދަރިވަރުންނަށް ވެކްސިން ޖަހާފައެވެ.
+1
+1
+1
+1
+1
+1
