މިއަދު ކަރަންޓް ދިނުމަށް މަސައްކަތް ކުރަމުންދަނީ ޓަވަރު 1 އަދި 2 އަކަށް ކަމަށް ސްޓެލްކޯއިން ހާމަކޮށްފިއެވެ.
އެގޮތުން ހިޔާ ޓަވަރުތަކަށް ކަރަންޓު ދިނުމަށްޓަކައި މިއަދު 1 އަދި 2 ވަނަ ޓަވަރުން ފްލެޓް ލިބިފައިވާ ފަރާތްތަކަށް އެސް.އެމް.އެސް މެދުވެރިކޮށް ހާޒިރުވާންޖެހޭ ގަޑި އަންގާނެ ކަމަށެވެ. ސްޓެލްކޯއިން ބުނީ އެބޭފުޅަކަށް ހާއްސަ ކުރެވިފައިވާ ގަޑިއަށް އެކުންފުނިން ދޫކޮށްފައިވާ ސްލިޕާއި، ފްލެޓްގެ ތަޅުދަނޑިއާއެކު، ޓަވަރުތަކަށް ދިއުމަކީ އެކުންފުނީގެ ވަރަށް ބޮޑު އިލްތިމާސެއް ކަމަށެވެ.
ހިޔާ ފްލެޓްތަކަށް ދާއިމީ ކަރަންޓް ދިނުމުގެ މަސައްކަތް ސްޓެލްކޯއިން ފަށާފައިވާއިރު މިހާރުވެސް ގިނަ ބަޔަކު ވަނީ ހިޔާ ފްލެޓްތަކުގައި ދިރިއުޅެން ފަށާފައެވެ. ސްޓެލްކޯއިން ދަނީ ކޮންމެ ދުވަހަކުވެސް ދެ ޓަވަރަކަށް ދާއިމީ ކަރަންޓް ދެމުންނެވެ.
މިހާތަނަށް 13 ޓަވަރުގެ ކަރަންޓު މަސައްކަތް އެއްކޮށް ނިމިފައިވާ އިރު، ކަރަންޓުގެ މަސައްކަތް ނުނިމި ހުރީ ލިފްޓުތައް ކޮމިޝަން ކޮށް ނުނިމި ހުރި ޓަވަރުތަކުގައި ކަމަށް މައުލޫމާތުލިބެއެވެ.
