މާލެ ސަރަހައްދުން އާދިއްތަ ދުވަހު ދެވަނަ ޑޯޒް ޖެހީ 189 މީހުން ކަމަށް އެޗްޕީއޭގެ ތަފާސް ހިސާބުތަކުން ދައްކައިފިއެވެ.
އެގޮތުން މުޅި ރާއްޖެއިން އިއްޔެ ދެވަނަ ޑޯޒް ޖެހީ 334 މީހުންނެވެ. މީގެ ތެރޭގައި ހިމެނެނީ އަތޮޅު ތެރެއިން ދެވަނަ ޑޯޒް ޖެހި 145 މީހުންނާއި މާލެ ސަރަހައްދުން ދެ ވަނަ ޑޯޒް ޖެހި 189 މީހުންނެވެ.
އާދިއްތަ ދުވަހު ފުރަތަމަ ޑޯޒް ޖެހީ 412 މީހުންނެވެ. މީގެ ތެރޭގައި ހިމެނެނީ އަތޮޅު ތެރެއިން ފުރަތަމަ ޑޯޒް ޖެހި 247 މީހުންނާއި މާލެ ސަރަހައްދުން ފުރަތަމަ ޑޯޒް ޖެހި 165 މީހުންނެވެ.
މުޅި ރާއްޖެއިން ފުރަތަމަ ޑޯޒް ޖަހާފައިވަނީ 383،089 މީހުންނެވެ. މުޅި ރާއްޖެއިން ދެވަނަ ޑޯޒް ޖަހާފައިވަނީ މިހާތަނަށް 301،857 މީހުންނެވެ.
މިހާރު ވަނީ ސުކޫލް ދަރިވަރުންގެ ތެރެއިން 12 އަހަރާއި 17 އަހަރުގެ ކުދިންގެ ތެރެއިންވެސް 32 ހާހަށް ވުރެ ގިނަ ދަރިވަރުންނަށް ވެކްސިން ޖަހާފައެވެ.
