އޯޑިއޯގެ ސައްހަކަމާއި އެއީ ކޮންބައެއްގެ އަޑުތޯ ކަށަވަރުކުރަންޖެހޭ ކަމަށް ކުރީގެ އިސްލާމިކް މިނިސްޓަރ ޑރ މުހައްމަދު ސަހީމް އަލީ ސައީދު ވިދާޅުވެއްޖެއެވެ.
ލީކުކޮށްލައިގެން އުޅޭ އޯޑިއޯތައް ސައްހަ ނޫން ކަމަށް ފަނޑިޔާރުން ވިދާޅުވުމާއި ގުޅިގެން ކުރެއްވި ޓުވީޓެއްގައި ޝަހީމް ވިދާޅުވީ، ރާއްޖެއިން ބޭރުން ފޮރެންސިކް ތަޙުލީލުކޮށްގެން ނަމަވެސް، އޯޑިއޯގެ ޞައްޙަކަމާއި އެމީހުންގެ އަޑުތޯ ކަށަވަރުކުރަންޖެހޭ ކަމަށެވެ. މިމައްސަލަ ސީރިއަސް މައްސަލައެއްގެ ގޮތުގައި ބަލަންޖެހޭނެ ކަމަށާއި މިއުޅެނީ ބަޔަކު ރަހީނުކޮށްގެން އިންސާނެއްގެ މައްޗަށް ޙަރާމް ޙުކުމެއްކުރުވިކަމުގެ ތުހުމަތެއް ކަމަށް ޝަހީމް ވިދާޅުވިއެވެ.
ލީކުވެފައިވާ އޯޑިއޯތަކާއި ގުޅިގެން މަޖިލީހުގެ ކޮމިޓީތަކަށްވެސް މައްސަލަ ހުށަހަޅާފައިވާއިރު ޖުޑީޝަލް ސާރވިސް ކޮމިޝަނުންވެސް ބުނެފައިވަނީ މިމައްސަލަ ތަހުގީގު ކުރުމަށް ފަނޑިޔާރުންނާ ބައްދަލުކޮށްފައިވާ ކަމަށެވެ. މި އޯޑިއޯތަކާއި ގުޅިގެން ގިނަ ކަންތައްތަކެއް ކުރިމަތި ވަމުން އަންނަ އިދިކޮޅޫ ފަރާތްތަކުން އަންނަނީ ރައީސް ޔާމީން މިހާރުން މިހާރަށް ދޫކޮށްލުމަށް ގޮވާލަމުންނެވެ.
