އެމްޑީޕީ އޮފީސްތެރޭގައި މާރާމާރީ ހިންގުން ބަލައެއް ނުގަނެވޭނެ ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ކުރެއްވި ޓުވީޓެއްގައި ވިދާޅުވީ، އޮފީސްތެރޭގައު މާރާމާރީ ހިންގި މީހުން ހައްޔަރުކޮށް އަނިޔާ އާއި ގެއްލުންވި ފަރާތްތަކަށް އިންސާފު ލިބެންޖެހޭނެ ކަމަށެވެ. ނަޝީދު ވިދާޅުވީ، އޮފީހުގެ މުވަސްޒަފުންގެ ތެރެއިން ޝާމިން އާއި މަންދީޒުބައިރު އަށް އަވަސްޝިފާއަކަށް އެދޭ ކަމަށެވެ.
އެމްޑީޕީ އޮފީސް ތެރޭގައި ހިންގި މާރާމާރީގައި އަނިވެފައިވަނީ 50 އަހަރުގެ އަންހެނަކަށް ކަމަށް މައުލޫމާތުލިބެއެވެ. މިމީހާއަށް މިހާރު އޭޑީކޭ ހޮސްޕިޓަލުގައި ދަނީ ފަރުވާ ދެމުންނެވެ.
އެމްޑީޕީ އޮފީސް ތެރޭގައި މާރާމާރީ ހިންގުމާއި ގުޅިގެން ކުރެއްވި ޓުވީޓެއްގައި ނައިފަރު ދާއިރާގެ މެމްބަރު ޝިޔާމް ވިދާޅުވީ، އެމްޑީޕީ އޮތީ ޑިމޮކްރަސީއަށް ދޮންވެ ފައްކާވެފައި ކަމަށް ގަބޫލު ކުރެއްވުނު ކަމަށެވެ. މި ފިނޑި އަމަލު ހަރުކަށި އިބާރާތުން ކުށްވެރި ކުރާ ކަމަށާއި އެމްޑީޕީގެ އޮފީހަކީ ކަނބަލުންނަށް ރައްކާތެރި ތަނަކަށް ހެދުމަށް ޝިޔާމް ވަނީ ގޮވާލައްވާފައެވެ.
