މޯލްޑިވްސް މީޑިއާ ކައުންސިލްގެ އިންތިހާބު މިމަހުގެ 11ގައި އޮންނާނެ ކަމަށް ހޯމް މިނިސްޓްރީން ހާމަކޮށްފިއެވެ.
ހޯމް މިނިސްޓްރީން ބުނީ މި އިންތިހާބު އޮންނާނީ އެދުވަހުގެ 10 އަކުން 11 އަށް ވެލާނާގޭ ތިރީގައި ކަމަށެވެ.
މި އިންތިހާބުގައި 103 މީޑިއާކުން ވޯޓުލުމަށް ވަނީ ރަޖިސްޓްރީ ކޮށްފައެވެ.
އެމްއެމްސީގެ މެމްބަރުކަމަށް އިންތިހާބު ކުރާ މެމްބަރުންގެ ދައުރަކީ ދެ އަހަރެވެ. ވިދިވިދިގެން ދެ އަހަރު އެ ކައުންސިލްގެ މެމްބަރު ކަމެއް ނުކުރެވޭނެއެވެ.
މީޑިއާ ކައުންސިލްގެ މެމްބަރު ކަމަށް ކުރިމަތިލާ ފަރާތްތަކުގެ ޝަރުތަކީ ގާނޫނީ، ބަހުގެ، އިންސާނީ ހައްގުތަކުގެ، ދީނީ އިލްމުގެ ނޫނީ އިޖުތިމާއީ ސައިންސްގެ ދާއިރާއިން މަތީ ތައުލީމު ހާސިލްކޮށްފައިވާ ފަރާތަކަށް ވުމާއެކު އިޖުތިމާއީ ތަރައްގީއާ ދުޅަހެޔޮކަމުގެ ދާއިރާ އިން މަސައްކަތްކުރާ ނުވަތަ ކޮށްފައިވާ ފަރާތަކަށް ވާންޖެހެއެވެ.
+1
+1
+1
+1
+1
+1
