އޭޖީ އޮފީހުން ބުނީ މިއަހަރުގެ ޖެނުއަރީ މަހުން ފެށިގެން އޮގަސްޓް މަހުގެ ނިޔަލަށް 140 ފަރާތަކަށް ގާނޫނީ ވަކީލެއްގެ އެހީތެރިކަން ފޯރުކޮށްދީފައިވާ ކަމަށް އެޓަރނީ ޖެނެރަލްގެ އޮފީހުން ހާމަކޮށްފިއެވެ.
މިގޮތުން މީގެ ތެރޭގައި ހިމެނެނީ އުމުރުން 18 އަހަރުން މަތީގެ 66 މީހުންނަށާއި 74 ކުޑަކުދިން ކަމަށް އޭޖީ އޮފީޙުން ހާމަކުރެއެވެ. ތަފާސް ހިސާބުތައް ދައްކާގޮތުން މީގެ ތެރޭގަިއ ހިމެނެނީ 51 އަހަރުގެ 7 މީޙުންނާއި، 31 އަހަރާއި 50 އަހަރާއި ދެމެދުގެ 31 މީހުންނެވެ. އަދި 18 އަހަރާއި 30 އަހަރާއި ދެމެދުގެ 28 މީހުންގެ އިތުރުން 18 އަހަރުން ދަށުގެ 74 ކުޑަކުދިންނެވެ.
ކުށެއްގެ ތުހުމަތުގައި ހިފެހެއްޓޭ ނުވަތަ ހައްޔަރު ކުރެވޭ ކުއްޖަކަށް ގާނޫނީ ވަކީލަކު ހަމަޖެއްސެން ނެތް ނަމަ އެފަދަ ކުދިންނަށް ދައުލަތުގެ ފަރާތުން ގާނޫނީ ވަކީލެއް ހަމަޖައްސައިދޭން ޖެހެއެވެ. ދައުލަތުން ގާނޫނީ ވަކީލެއްގެ އެހީތެރިކަން ފޯރުކޮށްދިނުމާއި ބެހޭ ގަވައިދުގެ ދަށުން ޝަރުތު ފުރިހަމަ ނުވާތީ 16 ފަރާތަކަށް ލީގަލް އެއިޑް ލިބިފައިނުވާ ކަމަށްވެސް އޭޖީ އޮފީހުން ވަނީ ހާމަކޮށްފައެވެ.
