ކޮވިޑް ޖެހިގެން ރާއްޖެއިން ނިޔާވި މީހުންގެ އަދަދު 227 އަށް އަރައިފިއެވެ.
އެޗްޕީއޭއިން ބުނީ މިއަދު 3:35 ހާއިރު ނިޔާވެފައިވަނީ 80 އަހަރުގެ ދިވެހި ފިރިހެނެއް ކަމަށެވެ. މިއީ ހުޅުމާލޭ ފެސިލިޓީގައި އެޑްމިޓް ކޮށްގެން ފަރުވާދެމުންދިޔަ މީހެކެވެ. ރާއްޖެއިން ކޮވިޑް ޖެހިގެން ނިޔާވި މީހުންގެ ތެރޭގައި ހިމެނެނީ 208 ދިވެހިންނާ، 19 ބިދޭސީންނެވެ.
އެންމެ ފަހުން ކޮވިޑް ޖެހިގެން ރާއްޖެއިން މީހަކު ނިޔާވީ ސެޕްޓެމްބަރު މަހު 28 ވަނަ ދުވަހުއެވެ. އެމީހާއަކީ ގދ.ކޮވިޑް މެނޭޖްމަންޓް ފެސިލިޓީގައި ފަރުވާދެމުންދިޔަ މީހެކެވެ. ރާއްޖެއިން ކޮވިޑް ބަލީގައި ނިޔާވި މީހުންގެ އަދަދު މަދުވެފައިވަނީ ކޮވިޑް ހުއްޓުވުމަށް ސަރުކާރުން އެޅި ހަރުކަށި ފިޔަވަޅުތަކުގެ ސަބަބުންނެވެ.
+1
+1
+1
+1
1
+1
+1
