މިއަހަރުގެ މިހާތަނަށް ރަޝިޔާއިން އެކަނިވެސް 162،801 ޓުއަރިސްޓުން ރާއްޖެ އައިސްފައިވާ ކަމަށް ޓުއަރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
ޓުއަރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން ދެވަނަ އަށް އެންމެ ގިނަ ފަތުރުވެރިން އަންނަ އިންޑިއާއިން ވަނީ 172،104 ފަތުރުވެރިން އައިސްފައެވެ. އަދި ތިން ވަނަ އަށް އެންމެ ގިނަ ފަތުރުވެރިން އަންނަ ޖަރުމަނުން ވަނީ 46،218 ފަތުރުވެރިން ރާއްޖެ އައިސްފައެވެ.
މިއަހަރުގެ މިހާތަނަށް ރާއްޖެއަށް ވަނީ 788،846 ފަތުރުވެރިން ރާއްޖެ އައިސްފައެވެ. އޮގަސްޓް މަހު އެކަނިވެސް ވަނީ 143،599 ފަތުރުވެރިން ރާއްޖެ އައިސްފައެވެ. ޖުލައި މަހު ރާއްޖެއަށް އައިސްފައިވަނީ 101،818 ފަތުރުވެރިންނެވެ. ޖޫން މަހު ވަނީ 56،166 ފަތުރުވެރިން ރާއްޖެ އައިސްފައެވެ.
ކޮވިޑް19 އާއި ގުޅިގެން ދުނިޔޭގެ ދަތުރުފަތުރު ކުރުމަށް އައި ބަދަލާއެކު ރާއްޖެއަށްވެސް ޓުއަރިސްޓުން އައުން މަދުވެ ފަތުރުވެރިކަމުގެ ދާއިރާ ވަނީ ވަރަށް ބޮޑަށް އަޑިއަޅާލާފައެވެ. ނަމަވެސް މިހާރު ވެކްސިން ޖަހަން ފެށުމުން އަނެއްކާވެސް މިވަނީ ފަތުރުވެރިންނަށް ރާއްޖެ ހުޅުވާލާފައެވެ.
