ހުޅުމާލޭގައި ހުންނަ ދައުލަތުގެ ބެލުމުގެ ދަށުގައި ތިބޭ ކުޑަކުދިން ބަލަހައްޓާ ފިޔަވަތީގައި އުފެދިގެން އުޅެނީ ކޮން ކަހަލަ މައްސަލަތަކެއްތޯ މުޖުތަމައަށް އެނގުން ވަރަށް މުހިންމު ކަމަށް ކުރީގެ އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް ވިދާޅުވީ، އެތަނުގައި ތިބި ކުދިންނަށް ދިމާވެފައިވާ މައްސަލަތައް ހައްލު ކުރަން ޖެހޭ ކަމަށާއި އިތުރު އޯގާތެރިކަން ދިނުން މުހިންމު ކަމަށެވެ.
ޝަހީމް މިހެން ވިދާޅުވެފައި މިވަނީ މިއަދު ހަވީރުން ފެށިގެން ފިޔަވަތީގެ ފުރާޅު މަތީގައި ކުދިންތަކެއް އަރައިގެން އުޅުމުގެ ސަބަބުން މިހާރު ފުލުހުން އެ ސަރަހައްދު ބަންދުކޮށް ހަރަކާތްތެރިވަމުންދާތީއެވެ. މީގެ ކުޑައިރުކޮޅެއް ކުރިން ވަނީ އެތަނުގައި އަލިފާންވެސް ރޯކޮށްލާފައެވެ. ނަމަވެސް ފިޔަވަތީގެ މުވައްޒަފުން ވަނީ އެ އަލިފާން ގަނޑު ނިއްވާލާފައެވެ. ފިޔަވަތީގައި މައްސަލަ ހޫނުވެގެން އުޅެނީ ކޮންކަމަކާ ގުޅިގެން ކަމެއް އަދި ރަސްމީ އެއްވެސް އިދާރާއަކުން ހާމައެއް ނުކުރެއެވެ.
ބޮނަކުއާ ލިބުމުގެ މައްސަލަ