އިންސާފު ގާއިމުކޮށް ރައީސް ޔާމީން ދޫކޮށްލަން ގޮވާލާ އިދިކޮޅުން މަގުމައްޗަށް ނިކުމެއްޖެއެވެ.
ނައިފަރު ދާއިރާގެ މެމްބަރު އަހުމަދު ޝިޔާމް ކުރެއްވި ޓުވީޓެއްގައި ވިދާޅުވީ، މިވަގުތު އެންމެން ތިބީ މަޖީދީމަގު ޗާންދަނީ މަގު ޖަންކްޝަން ސަރަހައްދުގައި ކަމަށެވެ. އަދި ސުލްހަވެރި އެއްވުމުގެ ބައިވެރިން ގޮވަމުންދަނީ އިންސާފު ގާއިމުކޮށް ކުރީގެ ރައީސް އަބްދުﷲ ޔާމީން މިހާރުން މިހާރަށް ދޫކޮށްލުމަށް ކަމަށެވެ.
އިދިކޮޅު ފަރާތްތަކުން ކުރަމުންދިޔަ ސުލްހަވެރި މުޒާހަރާ މިހާރު ވަނީ ފުލުހުން ރޫޅާލާފައެވެ. މީގެ އިތުރުންވެސް އެ މުޒާހަރާ ކަވަރު ކުރަން ތިބި ބައެއް ނޫސްވެރިންނަށް އެކި ވަރުގެ އަނިޔާ ލިބިފައިވާ ކަމަށް މައުލޫމާތުލިބެއެވެ. މީގެ އިތުރުންވެސް ޗެނަލް13 ގެ ނޫސްވެރިޔާ މުހައްމަދު ސަމާހުގެ ބޯ ފެޅިފައިވާ ކަމަށް އެ ޗެނަލުން ދަނީ ރިޕޯޓްކުރަމުންނެވެ. މީގެ އިތުރުންވެސް އެ ޗެނަލުގެ ނޫސްވެރިޔާ މުހައްމަދު ޝަހީމަށްވެސް އެކިވަރުގެ އަނިޔާ ލިބިފައިވާ ކަމަށް ދަނީ ރިޕޯޓްކުރަމުންނެވެ.
